Nostradamus Centuriae

Centuria X, 100

2008-05-20T06:54:00.000-07:00

Le grand empire sera par Angleterre,
Le pempotam, des ans plus de trois cens:
Grandes copies passer par mer & terre,
Les Lusitains n’en seront pas contens.

Centuria X, 91-99

2008-05-17T15:35:00.000-07:00

X,91
Clergé Romain l’an mil six cens & neuf,
Au chef de l’an feras election
D’un gris & noir de la Compagne
Qui onc ne feut si maling
X,92
Devant le pere l’enfant sera tué
Le pere apres entre cordes de jonc
Genevois peuple sera esvertué
Gisant le chief au milieu comme un tronc.
X,93
La barque neufve recevra les voyages
Là & aupres transferont l’empire
Beaucaire, Arles retiendront les hostages
Pres deux colomnes trouvees de porphire.
X,94
De Nismes, d’Arles, & Vienne contemner
N’obei tant à l’edict Hespericque
Aux labourez pour le grand condamner
Six eschappez en habit seraphicque
X,95
Dans les Espaignes viendra Roi trespuissant
Par mer & terre subjugant or midi;
Ce mal fera rabaissant le croissant
Baisser les aesles à ceux du vendredi.
X,96
Religion du nom des mers vaincra ,
Contre le secte fils Adaluncatif,
Secte obstinee deploree craindra
Des deux blessez par Aleph & Aleph
X,97
Trirremes pleines tout aage captif,
Temps bon à mal, le doux pour amertume
Proie à Barbares trop seront hastifs,
Cupid de veoir plaindre au vent la plume
X,98
La esplendeur claire à pucelle joyeuse,
Ne luira plus long temps sera sans sel:
Avec marchans, ruffiens loups odieuse,
Tous pesle mesle monstre universel.
X,99
La fin le loup, le lyon, beuf, & l’asne,
Timide dama seront avec mastins,
Plus ne cherra à eux la douce manne,
Plus vigilance & custode aux mastins.

Centuria X, 61-90

2008-05-17T15:34:00.000-07:00

X,61
Betta, Vienne, Emorre, Sacarbance,
Voudront livrer au Barbares Pannone
Par picque & feu , enorme violance,
Les conjurez descouvers par matrone.
X,62
Pres de Sorbin pour affaillir Ongrie,
L’herault de Bude les viendra advertir
Chef Bizantin, Sallon de Sclavonie,
A loi d’Arabes les viendra convertir.
X,63
Cydron, Raguse, la cité au sainct Hieron
Reverdira le medicant succours ,
Mort fils de Roi par mort de deux heron
L’Arabe Ongrie feront un mesme cours.
X,64
Pleure Milan, pleure Luques, Florance
Que ton grand Duc sur le char montera,
Changer le siege pres de Venise s’advance
Lors que Colomne à Rome changera
X,65
O vaste Rome ta ruine s’approche ,
Non de tes murs de ton sang & substance:
L’aspre par lettres fera si horrible coche,
Fer poinctu mis à tous jusques au manche.
X,66
Le chef de Londres par regne l’Americh
L’isle de l’Escosse tempiera par gellee
Roi Reb auront un si faux antechrist
Que les mettra trestous dans la meslee.
X,67
Le tremblement si fort au mois de Mai,
Saturne, Caper, Jupiter, Mercure au beuf.
Venus aussi Cancer, Mars en Nonnay
Tombera gresse lors plus grosse qu’un euf.
X,68
L’armee de mer devant la cité tiendra
Puis partir sans faire longue alee
Citoyens grande proie en terre prendra
Retourner classe, reprendre grand emblee
X,69
Le fait luisant de neuf vieux esleué
Seront si grand par midi aquilon
De sa seur propre grande alles levé
Fuyant meurdri au buisson d’ambellon
X,70
L’oeil par object ferra telle excroissance,
Tant & ardente que tumbera la neige,
Champ arrousé viendra en descroissance
Que le primat succumbera à Rege.
X,71
La terre & l’air gelleront si grand eau
Lors qu’on viendra pour jeudi venerer,
Ce qui sera jamais ne feut si beau ,
Des quatre pars le viendront honnorer.
X,72
L’an mil neuf cens nonante neuf sept mois,
Du ciel viendra un grand Roi deffraieur
Ressusciter le grand Roi d’Angolmois
Avant que Mars regner par bon heur.
X,73
Le temps present avecques le passé
Sera jugé par grand Jovialiste,
Le monde tard lui sera lassé
Et desloyal par le clergé juriste.
X,74
An revolu du grand nombre septiesme
Apparoistra au temps Jeux d’Hecatombe,
Non esloigné du grand eage milliesme
Que les entres sortiront de leur tombe.
X,75
Tant attendu ne reviendra jamais
Dedans l’Europe, en Asie apparoistra
Un de la ligue islu du grand Hermes
Et sur tous rois des orientz crostra.
X,76
Le grand Senat discernera la pompe
A l’un qu’apres sera vaincu chassé
Ses adherans seront à son de trompe,
Biens publiez ennemis deschassez.
X,77
Trente adherens de l’ordre des quiretres
Bannis leurs biens donnez ses adversaires
Tous leurs bienfais seront pour desmerites
Classe espargie delivrez aux corsaires.
X,78
Subite joie en subite tristesse
Sera à Rome aux graces embrassees
Deuil, cris, pleurs, larm, sang excellant liesse
Contraires bandes surprinses & troussees.
X,79
Les vieux chemins seront tous embelis,
Lon passera à Memphis somentrée.
Le grand Mercure d’Hercules fleur de lis
Faisant trembler terre , mer & contree.
X,80
Au regne grand du grand regne regnant
Par force d’armees les grands portes d’airain
Fera ouvrir le roi & duc joignant,
Port demoli nef à fons jour serain.
X,81
Mis tresor temple citadins Hesperiques
Dans icelui retiré en secret lieu,
Le temple ouvrir les liens fameliques
Reprens ravis proie horrible au milieu
X,82
Cris,pleurs, larmes viendront avec coteaux
Semblant fouir donront dernier assault
Lentour parques planter profons plateaux
Vifs repoulsez & meurdris de prinsault
X,83
De batailler ne sera donné signe
Du parc seront contraint de sortir hors,
De Gand lentour sera cogneu l’ensigne
Qui fera mettre de tous les siens à mors.
X,84
La naturelle à si hault hault non bas
Le tard retour fera martis contens
Le Recloing ne sera sans debatz
En empliant & pendant tous son temps.
X,85
Le vieil tribung au point de la trehemide
Sera pressee captif ne deslivrer,
Le vueil non vueil , le mal parlant timide
Par legitime à ses amis livrer.
X,86
Comme un griphon viendra le roi d’Europe
Accompaigné de ceux d’Aquillon,
De rouges & blancz conduira grand troppe
Et iront contre le roi de Babilon.
X,87
Grand roi viendra prendre port pres de Nisse
Le grand empire de la mort si enfera
Au Antipolles posera son genisse,
Par mer la Pille tout esvanoira.
X,88
Piedz & cheval à la seconde veille
Feront entree vastient tour par la mer,
Dedans la poil entrera de Marseille
Pleurs, cris, & sang onc nul temps si amer.
X,89
De brique en marbre seront les murs reduits
Sept & cinquante annees pacifiques
Joie aux humains renoué Laqueduict
Santé, grandz fruict joye & temps melifique.
X,90
Cent foix mourra le tyran inhumain
Mis à son lieu scavant & debonnaire,
Tout le Senat sera dessoubz sa main,
Faché sera par malin themeraire.

Centuria X, 41-60

2008-05-17T15:33:00.000-07:00

X,41
En la frontiere de Caussade de Charlus,
Non guieres loing du fonds de la vallee
De ville Franche musicque à son de luths
Environnez combouls & grand mytee
X,42
Le regne humain d’Anglique geniture,
Fera son regne paix union tenir
Captive guerre demi de sa closture
Long temps la paix leur fera maintenir
X,43
Le trop bon temps trop de bonté royalle
Fais & deffais prompt subit negligence
Legier croira faux despouse loyalle
Lui mis à mort par sa benevolence.
X,44
Par lors qu’un Roi sera contre les siens,
Natif de Blois subjugera Ligures:
Mammel, Cordubel & les Dalmatiens
Des sept puis l’ombre à Roi, estrennes & lemurs.
X,45
L’ombre du Regne de Navarre non vrai,
Fera la vie de fort illegitime
La veu promis incertain de Cambrai
Roi Orleans donra mur legitime.
X,46
Vie sort mort de L’OR vilaine indigne,
Sera de Saxe non nouveau electeur:
De Brunsuic mandra d’amour signe
Faux le rendant aux peuple seducteur
X,47
De Bourze ville à la dame Guirlande,
L’on mettra sus par la trahison faicte
Le grand prelat de leon par Formande
Faux pellerins & ravisseurs defaicte.
X,48
De plus profond de l’Espaigne enseigne
Sortant du bout & des fins de l’Europe
Trobles passant aupres du pont de Laigne
Sera deffaicte par bandes sa grand troppe.
X,49
Jardin du monde au pres du cité neufve ,
Dans le chemin des montaignes cavees
Sera saisi & plongé dans la Cuve,
Beuvant par force eaux soulfre envenimees.
X,50
La Meuse au jour terre de Luxembourg,
Descouvrira Saturn & trois en lurne,
Montaigne & pleine ville, cité & Bourg
Lorraine deluge trahison par grand hurne.
X,51
Des lieux plus bas du pays de Lorraine
Seront des basses Allemaignes unis,
Par ceux du siege Picards, Normans, du Maine
Et aux cantons ce seront reunis.
X,52
Au Lieu où LAYE & Scelde se marient
Seront les nopces de longtemps maniees
Au lieu d’Anvers où la crappe charient
Jeune viellesse consorte intaminee
X,53
Les trois pellices de loing s’entrebatron,
La plus grand moindgre demeurera à l’escoute
Le grand Selin n’en fera plus patron,
Le nommera feu pelte blanche routte.
X,54
Nee en ce monde par concubine fertive
A deux hault mise par les tristes nouvelles
Entre ennemis sera prinse captive,
Et amené à Malings & Bruxelles.
X,55
Les malheureuses nopces celebreront
En grand joye mais la fin malheureuse
Mary & mere nore desdaigneront
Le Phybe mort & nore plus piteuse.
X,56
Prelat royal son baissant trop tiré,
Grand fleux de sang sortira par sa bouche,
Le reign Anglique par regne respiré,
Long temps mort vif en Tunis comme souche.
X,57
Le soublevé ne cognoistra son sceptre,
Les enfants jeunes des plus grands honnira
Oncques ne fut un plus ord cruel estre,
Pour leurs espouses à mort noir bannira.
X,58
Au temps du dueil que le felin monarque,
Guerroiera le jeune Aemathien
Gaule bansler perecliter la barque
Tenter Phossens au Ponant entretien
X,59
Dedans Lyons vingt cinq dúne alaine
Cinq citoyens Germains, Bressans, Latins
Par dessous noble conduiront longue traine
Et descouverts par abbois les mastins.
X,60
Je pleure Nisse, Mannego, Pize, Gennes,
Savone, Sienne, Capue, Modene, Malte:
Le dessus sang & glaive par estrennes ,
Feu, tremblera terre, eau, malheureuse nolte.

Centuria X, 21-40

2008-05-17T15:32:00.000-07:00

X,21
Par le despit du Roi soustenant moindre
Sera meurdri lui presentant les bagues
Le pere au filz voulant noblesse poindre
Fait comme à Perse jadis feirent les Mague.
X,22
Pour ne vouloir consentir au divorce
Qui puis apres sera cogneu indigne,
Le Roi des Isles sera chassé par force
Mis à son lieu que de roi n’aura signe.
X,23
Au peuple ingrat faictes remonstrances,
Par lors l’armee se saisira d’Antibe
Dans l’arc Monech feront les doleances
Et à Frejus l’un autre prendra ribe.
X,24
Le captif prince aux Italles vaincu
Passera Gennes par mer jusqu’à Marseille
Par grand effort des forens survaincu
Sauf coup de feu barril liqueur d’abeille
X,25
Par Nebro ouvrir de Brisanne passage
Bien eslongez el tago fara muestra
Dans Peligouxe sera commis l’outrage
De la grand dame assise sur l’orchestra
X,26
Le successeur vengera son beau frere,
Occupera regne souz umbre de vengeance,
Occis ostacle son sang mort vitupere,
Long temps Bretaigne tiendra avec la France.
X,27
Par le cinquieme & un grand Hercules
Viendront le temple ouvrir de main bellique
Un Clement, Iule & Ascans recules,
Lespe,clef, aigle n’eurent onc si grand picque.
X,28
Second & tiers qui font prime musicque
Sera par Roi en honneur sublimee,
Par grasse & maigre presque demi eticque
Rapport de Venus faulx rendra deprimee.
X,29
De Pol MANSOL dans caverne caprine
Caché & prins extrait hors par la barbe,
Captif mené comme beste mastine
Par Begourdans amenee pres de Tarbe.
X,30
Nepueu & sang du sainct nouveau venu,
Par le surnom soustient arcs & couvert
Seront chassez mis à mort chassez nu,
Em rouge & noir convertiront leur vert.
X,31
Le Saint Empire viendra en Germanie
Ismaelites trouveront lieux ouverts
Anes vouldront aussi la Carmanie,
Les soustenens de terre tous converts.
X,32
Le grand empire chacun an devoir estre
Un sur les autres le viendra obtenir
Mais peu de temps sera son regne & estre,
Deux ans aux naves se pourra soustenir.
X,33
La faction cruelle à robbe longue
Viendra cacher souz les pointus poignars
Saisir Florence le duc & lieu diphlongue
Sa descouverte par immeaurs & flangnards.
X,34
Gaulois qu’empire par guerre occupera
Par son beau frere mineur sera trahi
Par cheval rude voltigiant trainera
Du fait le frere long temps sera haï.
X,35
Puisnay royal flagrand d’ardent libide,
Pour se jouir de cousine germaine,
Habit de femme au temple d’Arthemide
Allant murdri par incognu du Marne
X,36
Apres le Roi du soucq guerres parlant,
L’isle Harmotique le tiendra à mespris
Quelques ans bons rongeant un & pillant
Par tyrrannie à l’isle changeant pris
X,37
L’assemblee grande pres du lac de Borget,
Se ralieront pres de Montmelian
Marchans plus oultre pensifz feront proget
Chambry, Moraine combat sainct Julian
X,38
Amour alegre non loing pose le siege
Au sainct barbar seront les garnisons
Ursins, Hadrie pour Gaulois feront plaige
Pour peur rendus de l’armee du Grisons
X,39
Premier fils veufve malheureux mariage
Sans nuls enfans deux isles en discorde,
Avant dixhuict incompetant eage.
De l’autre pres plus bas sera l’accord
X,40
Le jeune nay au regne Britannique
Qu’aura le pere mourant recommandé
Icelui mort LONOLE donra topique,
Et à son fils le regne demandé.

Centuria X, 1-20

2008-05-17T15:31:00.000-07:00

X,1
A l’ennemy l’ennemy foi promise
Ne se tiendra les captifs retenus:
Prins preme mort & le rest en chemise,
Damné le reste pour estre soustenous
X,2
Voille gallere voil de nef cachera
La grande classe viendra sortir la moindre.
Dix naves proches le tourneront poulser
Grande vaincue unis à foi joindre.
X,3
En apres cinq troupeau ne mettra hors un
Fuytif pour Penelon l’aschera,
Faulx murmurer secours venir par lors,
Le chief le siege lois habandonnera.
X,4
Sus la minuict conducteur de l’armee
Se saulvera, subit evanoui
Sept ans pres la fame non blasmee
A son retour ne dira oncq oui
X,5
Albi & Castres feront nouvelle ligue,
Neuf Arriens, Lisbons & Portugues,
Carcas, Tholosse consumeront leur brigue
Quand chef neuf monstre de Lauragues.
X,6
Sardon Nemans si hault desborderont,
Qu’on cuidera Ducalion renaistre,
Dans le collosse la plus part fuiront,
Vesta sepulchre feu estaint apparoistre.
X,7
Le grand conflict qu’on appreste à Nancy
L’aemathien dira tout je soubmetz,
L’isle Britanne par vin,sel,en solci
Hem. mi deux Phi. long temps ne tiendra Metz.
X,8
Index & poulse parfondera le front
De Senegalia le Conte à son filz propre
Les Myrnarmee par plusieurs de prinfront
Trois dans sept jours blesses mors.
X,9
De Castillion figuires jour de brune,
De fame infame naistra souverain prince
Surnon de chausses perhume lui posthume
Onc Roi ne faut si pire en sa province.
X,10
Tasche de murdre enormes adulteres
Grand ennemi de tout le genre humain
Que sera pire qu’ayeulx, oncles ne peres
En fer,feu,eau, sanguin & inhumain.
X,11
Dessouz lonchere du dangereux passage
Fera passer le posthume sa bande
Les monts Pyrens passer hors son bagaige
De Perpignam courira duc à tende.
X,12 [ morte de João Paulo I ]
Esleu en Pape, d’esleu sera mocqué,
Subit soudain esmeu prompt & timide
Par trop bon doulz à mourir provocqué
Crainte estainte la nuit de sa mort guide.
X,13
Soulz la pasture d’animaux ruminant
Par eux conduicts au ventre herbipolique
Soldatz caichez les armes bruit menant,
Non loing temptez de cité Antipolique
X,14
Urnel Vaucile sans conseil de soi mesmes
Hardit timide par crainte prins vaincu,
Accompaigné de plusieurs putains blesmes
A Barcellone aux chartreux convaincu.
X,15
Pere duc vieux d’ans & de soif chargé,
Au jour extreme filz desniant les guiere
Dedans le puis vif mort viendra plongé,
Senat au fil la mort longue & legiere.
X,16
Heureux au regne de France,heureux de vie
Ignorant sang mort fureur & rapine,
Par nom flateurs seras mis en envie,
Roi desrobé trop de foi en cuisine.
X,17
La roine Ergaste voiant sa fille blesme
Par un regret dans l’estomac encloz,
Cris lamentables seront lors d’Angoulesme,
Et au germain mariage fort clos.
X,18
Le ranc Lorrain fera place à Vendosme
Le hault mis bas & le bas mis en hault,
Le filz d’Hamon(ou Mamon) sera esleu dans Rome
Et les deux grands seront mis en deffault.
X,19
Jour que sera par roine saluee
Le jour apres le salut, la priere
Le compte fait raison & valbuee
Par avant humbles oncques ne feut si fiere.
X,20
Tous les amis qu’auront tenu parti,
Pour rude en lettres mis mort & saccagé,
Biens publiez par sixe grand neanti,
Onc Romain peuple ne feut tant outragé.

Centuria IX, 71-100

2008-05-17T15:26:00.001-07:00

IX,71
Au lieux sacrez animaux veu à trixe,
Avec celui qui n’osera le jour:
A Carcassone pour disgrace propice,
Sera posé pour plus ample sejour
IX,72
Encor seront les saincts temples pollus,
Et expillez par Senat Tholossain
Saturne deux trois cicles revollus,
Dans Avril, Mai, gens de nouveau levain.
IX,73
Dans Foix entrez Roi ceiulee Turbao,
Et regnera moins revolu Saturne ,
Roi Turban blanc Bisance cheur ban,
Sol,Mars, Mercure pres la harne.
IX,74
Dans la cité de Fersod homicide,
Fait & fait multe beuf arant ne macter
Retour encores aux honneurs d’Artemide,
Et à Vulcan corps morts sepulturer.
IX,75
De l’Ambraxie & du pays de Thrace
Peuple par mer mal & secours Gaulois,
Perpetuelle en Provence la trace,
Avec vestiges de leur coustume & loix.
IX,76
Avec le noir Rapax & sanguinaire,
Issu du peaultre de l’inhumain Neron,
Emmi deux fleuves main gauche militaire
Sera murtri par Joine chaulveron.
IX,77
Le regne prins le Roi conjurera,
La dame prinse à mort jurez à sort
La vie à Roine fils on desniera,
Et la pellix au sort de la consort.
IX,78
La dame Greque de beauté laydique,
Hereuse faicte de procs innumerable,
Hors translater au regne Hispanique,
Captive prinse mourir mort miserable.
IX,79
Le chef de la classe par fraude stratageme
Fera timides sortir de leurs galleres,
Sortis meutris chef renieur de cresme
Puis par l’embusche lui rendront les saleres.
IX,80
Le Duc voudra les siens exterminer
Envoyera les plus forts lieux estranges,
Par tyrannie Pize & Luc ruinera.
Puis les Barbares sans vin feront vendanges.
IX,81
Le Roi rusé entendra ses embusches
De trois quartiers ennemis affaillir,
Un nombre estranges larmes de coqueluches
Viendra Lamprin du traducteur faillir.
IX,82
Par le deluge & pestilence forte
La cité grande de long temps assiegee,
La sentinelle & garde de main morte,
Subite prinse, mais de nul oultragee.
IX,83
Sol vingt de Taurus si fort terre trembler.
Le grand theatre rempli ruinera,
L’air ciel & terre obscurcir & troubler
Lors l’infidelle Dieu & sainctz voguera.
IX,84
Roi exposé parfaira l’hecatombe,
Apres avoir trouvé son origine,
Torrent ouvrir de marbre & plomb la tombe
D’un grand Romain d’enseigne Medusine.
IX,85
Passer Guienne, Languedoc & le Rosne
D’Agen tenans de Marmande & la Roole,
D’ouvrir par foi parroi Phocen tiendra son trosne
Conflit aupres saint Pol de Mauseole.
IX,86
Du bourg Lareyne ne parviendront droit à Chartres
Et feront pres du pont Anthoni panse.
Sept pour la paix cautelleux comme martres
Feront entree d’armee à Paris clause.
IX,87
Par la forest du Touphon essartee,
Par hermitage sera posé le temple,
Le duc d’Estampes par sa ruse inventee
Du mont Lehori prelat donra exemple
IX,88
Calais, Arras secours à Theroanne,
Paix & semblant simulera lescoutte
Soulde d’Alabrox descendre par Roane
Destornay peuple qui deffera le routte.
IX,89
Sept ans sera Philip fortune prospere,
Rabaissera des Arabes l’effaict,
Puis son midi perplex rebours affaire
Jeune ognion abismera
IX,90
Un capitaine de la grand Germanie
Se viendra rendre par simulé secours
Un roi des rois aide de Pannonie,
Que sa revolte fera de sang grand cours.
IX,91
L’horrible peste Perynte & Nicopolle
Le Chersonnez tiendra & Marceloyne,
La Thessalie vastera l’Amphipolle,
Mal incogneu & le refus d’Anthoine
IX,92
Le roi vouldra dans cité neuf entrer
Par ennemis expugner lon viendra
Captif libere faulx dire & perpetrer
Roi dehors estre, loin d’ennemis tiendra.
IX,93
Les ennemis du fort bien eslongnez,
Par chariots conduict le bastion,
Par sur les murs de Bourges esgrongnez,
Quand Hercules baltra l’Haemathion.
IX,94
Foibles galleres seront unies ensemble,
Ennemis faux le plus fort en rampart.
Faible assaillies Vratislaue tremble,
Lubecq & Mysne tiendront barbare part.
IX,95
Le nouveau faict conduira l’exercite,
Proche apamé jusques au pres de rivage
Tendant secour de Millannoile eslite
Duc yeux privé à Milan fer de cage
IX,96
Dans cité entrer excercit desniee,
Duc entrera par persuasion ,
Aux foibles portes clam armee amenee,
Mettront feu, mort de sang effusion.
IX,97
De mer copies en trois parts divisees,
A la seconde les vivres failliront,
Desesperez cherchant champs Helisees,
Premier en breche entrez victoire auront.
IX,98
Les affligez par faute d’un seul taint,
Contremenant à partie opposite
Au Lygonnois mandera qu contraint
Seront de rendre le grand chef de Molite.
IX,99
Vent Aquilon fera partir le siege
Par murs gerer cendres, chauls, & pousiere,
Par pluie apres qui leur fera bien piege,
Dernier secours encontre leur frontiere
IX,100
Navalle pugne nuit sera superee
Le feu aux naves à l’Occident ruine:
Rubriche neufue la grande nef colore
Ire à vaincu, & victoire en bruine.

Centuria IX, 51-70

2008-05-17T15:24:00.000-07:00

IX,51
Contre les rouges sectes se banderont
Feu,eau,fer,corde par paix se minera
Au point mourir, ceux qui machineront
Fors un que monde sur tout ruinera
IX,52
La paix s’approche d’un costé, & la guerre
Oncques ne feut la poursuitte si grande,
Plaindre homme, femme, sang innocent par terre
Et ce fera de France à toute bande
IX,53
Le Neron jeune dans les trois cheminées
Fera de paiges vifs pour ardoir getter
Hereux qui loing sera de telz menees,
Trois de son sang le feront mort guetter
IX,54
Arrivera au port de Corsibonne,
Pres de Ravenne qui pillera la dame
En mer profonde legat de la Ullisbonne
Souz roc cachez raviront septante ames.
IX,55
L’horrible guerre qu’en l’occident s’apreste
L’an ensuivant viendra la pestilence,
Si fort horrible que jeune,vieux, ne beste,
Sang,feu, Mercure,Mars,Jupiter en France
IX,56
Camp pres de Noudam passera Goussan ville,
Et à Maiotes laissera son ensigne,
Convertira en instant plus de mille,
Cherchant les deux remettre en chaine & legne.
IX,57
Au lieu de DRUX un Roi reposera,
Et cherchera loi changeant d’Anatheme,
Pendant le ciel si tres fort tonnera ,
Porter neufve Roi tuera soymesme.
IX,58
Au costé gauche à l’endroit de Vitry
Seront guettez les trois rouges de France
Tous assomez rouge, noir non murdri
Par les Bretons remis en asseurence.
IX,59
A la Ferté prendra la Vidame
Nicol tenu rouge qu’avoit produit la vie
La grand Loisne naistra que fera clame
Donnant Bourgongne à Bretons par envie
IX,60
Conflict Barbar en la Cornere noire.
Sang espandu trembler la d’Almatie,
Grand Ismael mettra son promontoire,
Ranes trembler secours Lusitanie
IX,61
La pille faite à la coste marine,
La cita nova & parents amenez
Plusieurs de Malte par le fait de Messine,
Estroit serrez seront mal guardonnez
IX,62
Au grand de Cheramon agora
Seront croisez par ranc tous attachez
Le pertinax Oppie, Mandragora,
Rougon d’Octobre le tiers seront laschez
IX,63
Plainctes & pleurs cris & grands urlements
Pres de Narbon à Bayonne & en Foix
O quel horrible calamitz changemens,
Avant que Mars revolu quelques fois.
IX,64
L’Aemathion passer montz Pyrenees
En Mars Narbon ne fera resistance,
Par mer & terre fera si grand menee
Cap. n’ayant terre seure pour demeurance.
IX,65
Dedans le coing de luna viendra rendre
Ou sera prins & mis en terre estrange
Les fruitz immeurs seront à la grand esclandre
Grand vitupere à l’un grande louange.
IX,66
Paix, union sera & changement
Estatz, offices bas hault , & hault bien bas.
Dresser voyage le fruict premier torment
Guerre cesser, civil proces debatz
IX,67
Du hault des montz à l’entour de Lizer
Port à la roche Valen Cent assemblez
De chasteau neuf pierre late en donzere
Contre le crest Romans foi assemblez
IX,68
Du mont Aymar sera noble obscurcie
Le mal viendra au joinct de sonne & rosne
Dans bois caichez soldatz jour de Lucie,
Qui ne fut onc un si horrible throsne.
IX,69
Sur le mont de Bailly & la Bresle
Seront caichez de Grenoble les fiers
Oultre Lyon, Vien. eulx si grande gresle,
Langoult en terre n’en restera un tiers.
IX,70
Harnois trenchant dans les flambeaux cachez
Dedans Lyon le jour du Sacrement,
Ceux de Vienne seront trestous hachez
Par les cantons Latins Mascon ne ment.

Centuria IX, 31-50

2008-05-17T15:23:00.000-07:00

IX,31
Le tremblement de terre à Mortara,
Cassich saint George à demi perfondrez,
Paix assupie, la guerre esveillera,
Dans temple à Pasques abismes enfondrez
IX,32
De fin porphire profond collon trouvee
Dessoubz la laze escriptz capitolin:
Os poil retors Romain force prouvee,
Classe agiter au port de Methelin.
IX,33
Hercules Roi de Romme & d’Annemarc
De Gaule trois Guion surnommé
Trembler l’Italie & l’unde de sainct Marc
Premier sur tous monarque renommé
IX,34
Le part solus mari sera mitré,
Retour conflict passera sur le thuille:
Par cinq cens un trahir sera tiltré
Narbon & Saulce par conteuax avons d’huille
IX,35
Et Ferdinand blonde sera descorte,
Quitter la fleur suivre le Macedon
Au grand besoin faillira sa routte ,
Et marchera contre le Myrmidon
IX,36
Un grand Roi prins entre les mains d’un Joine
Non loing de Pasque confusion coup coultre
Perpet. captifs temps que fouldre en la husne
Lorsque trois freres se blesseront & meutre
IX,37
Pont & malins en Decembre versez,
En si haut lieu montera la Garonne
Murs, edifices, Tholose renversez
Qu’on ne scaura son lieu avant matronne
IX,38
L’entree de Blaye par Rochelle & l’Anglois
Passera outre le grand Aemathein,
Non loing d’Agen attendra le Gaulois
Secours Narbonne deceu par entretien
IX,39
En Arbissel à Veront & Carcari,
De nuict conduitz pour Savonne attroper
Le vifz Gascon Turbi, & la Scerry
Derrier mur vieux & neuf palais gripper
IX,40
Pres de Quintin dans la forest bourlis
Dans l’abbaye seront Flamens ranches
Les deux puisnays de coups mi estourdis
Suitte oppressee & garde tous aches
IX,41
Le grand Chyren soi saisir d’Avignon,
De Romme letres en miel plein d’amertume
Letre ambassade partir de Chanignon
Carpentras pris par duc noir rouge plume
IX,42
De Barcellone, de Genes & Venise,
De la Secille peste Monet unis
Contre Barbare classe prendront la vise
Barbare, pulse bien loing jusqu’à Thunis
IX,43
Proche à descendre l’armee Crucigere
Sera guettez par les Ismaelites
De tous cottez batus par nef Raviere
Prompt assaillis de dix galeres eslites
IX,44
Migres migre de Genesvue trestous,
Saturne d’or en fer se changera,
Le contre RAYPOZ exterminera tous
Avant l’a ruent de ciel signes fera
IX,45
Ne sera soul jamais de demander,
Grand Mendosus obtiendra son Empire
Loing de la cour fera contremander
Pimond, Picard, Paris, Tyrron le pire
IX,46
Vividez, fuyez de Tholose les rouges
Du sacrifice faire expiation
Le chef du mal dessouz l’ombre des courges
Mort estranger carne omination
IX,47
Les soulz signez d’indigne delivrance,
Et de la multe auront contre advis,
Change monarque mis en perille pence,
Serrez en caige se verront vis à vis
IX,48
La grand cité d’occean maritime
Environnee de maretz en cristal:
Dans le solstice hyemal & la prime
Sera tempte de vent espouvantal
IX,49
Gand & Bruceles marcheront contre Envers
Senat du Londres mettront à mort leur Roi
Le sel & vin lui seront à l’envers ,
Pour eux avoir le regne en dessarroi.
IX,50
Mandosus tost viendra à son hault regne
Mettant arriere un peu de Nolaris
Le rouge blaisme, le masle à l’interregne
Le jeune crainte & frayeur Barbaris.

Centuria IX, 11-30

2008-05-17T15:21:00.000-07:00

IX,11
Le juste à tort à mort l’on viendra mettre
Publiquement & du milieu estaint
Si grande peste en ce lieu viendra naistre
Que les jugeans fouir seront constraint
IX,12
Le tant d’argent de Diane & Mercure
Les simulacres au lac seront trouvez
Le figulier cherchant argille neufve
Lui & les siens d’or seront abbrevez
IX,13
Les exilez autour de la Soulonge
Condus de nuit pour marcher à Lauxois
Deux de Modene truculent de Boulogne
Mis descouvers par feu de Burançois
IX,14
Mis en planure chaulderons d’infecteurs
Vin,miel & l’huile , & bastis sur fourneaulx
Seront plongez sans mal dit mal facteurs
Sept. fum extaint au canon des borneaux
IX,15
Pres de Parpan les rouges detenus
Ceux du milieu parpondrez menez loing
Trois mis en pieces, & cinq ml soustems
Pour le Seigneur & Prelat de Bourgoing
IX,16
De castel Franco sortira l’assemblee
L’ambassadeur non plaisant fera scisme
Ceux de Ribiere seront en la meslee
Et au grand goulphre desnier ont l’entree
IX,17
Le tiers premier pis que ne fait Neron
Vuidex vaillant que sang humain respandre:
R’edifier sera le forneron
Siecle d’or, mort, nouveau roi grand esclandre
IX,18
Le lis Dauffois portera dans Nancy
Jusques en Flandres electeur de l’empire
Neufve obturee au grand Montmorency
Hors lieux provez delivre à clere peyne
IX,19
Dans le millieu de la forest Myenne
Sol au lyon la fouldre tombera
Le grand bastard issu du grand du Maine
Ce jour fougeres pointe en sang entrera
IX,20
De nuict viendra par la forest de Reines
Deux pars vaultort Herne la pierre blanche
Le moine noir en gris dedans Varennes
Esleu cap, cause tempeste feu sang tranche
IX,21
Au temple hault de Blois sacre Solonne
Nuict pont de Loire, prelat, roi pernicant
Curseur victoire aux marestz de la lone,
Dou prelature de blancs à bormeánt
IX,22
Roi & sa court au lieu de langue halbe
Dedans temple vis à vis du palais
Dans le jardin Duc de Mantor & d’Albe
Albe & Mantor poignard langue & palais
IX,23
Puisnay jouant au fresch dessouz la tonne
Le hault du toict du milieu sur la teste
Le pere roi au temple fait Solonne,
Sacrifiant sacrera fum de feste
IX,24
Sur le palais au rochier des fenestres
Seront ravis les deux petits royaux
Passer aurelle Luthece Denis cloistres
Nonain, mallods, avaler verts noyaulx
IX,25
Passant les ponts venir pres des rosiers,
Tard arrivé plustot qu’il cuidera,
Viendront les noves espaingnolz à Beziers
Qui icelle chasse emprinse cassera
IX,26
Nice sortie sur nom des letres aspres
La grande cappe fera present son sien
Proche de vultry aux mars de vertes capres
Apres plombin le vent à bon essien.
IX,27
De bois la garde vent cloz rond pont sera
Hault le receu frappera le Daulphin
Le vieux teccon bois unis passera
Passant plus oultre du duc le droit confin
IX,28
Voille Simacle port Massiliolique
Dans Venice port marcher aux Panons:
Partir du goulfre & sinus Illirique,
Vast à Socile, Ligures coups de canons
IX,29
Lors que celui qu’à nul ne donne lieu
Abandonner vouldra lieu prins non prins:
Feu nef par saignes, butiment à Charlieu
Seront Quintin Balez reprins
IX,30
Au port de P.U.O.L.A. & de saint Nicolas
Perir Normande au goulfre Phanatique
Cap. de Bizance raues crier helas,
Secours de Gaddez & du grand Philipique

Centuria IX, 1-10

2008-05-17T15:20:00.000-07:00

IX,1
Dans la maison du traducteur de Bourc
Seront les lettres trouvees dur la table
Bourgne, roux, blanc chanu tiendra de cours
Qui changera au nouveau connestable
IX,2
Du hault du mont Aventin voix ouie,
Vuidez, vuidez de tous les deux costez
Du sang des rouges sera l’ire assomie
D’Arimin Prate, Columna debotez
IX,3
La magna vaqua, à Ravenne grand trouble
Conduictz par quinze enserrez à Fornase
A Rome naistre deux monstres à teste double
Sang, feu, deluges, les plus grands à l’espase
IX,4
L’an ensuivant descouvertz par deluge,
Deux chefs esluez le premier ne tiendra
De fuir ombre à l’un d’eux le refuge
Saccagee case qui premier maintiendra
IX,5
Tiers doit du pied au premier semblera
A un nouveau monarque de bas hault
Qui Pise & Lucques Tyran occupera
Du precedant corriger le deffaut
IX,6
Par la Guienne infinité d’Anglois
Occuperont par nom d’Anglaquitaine
Du Languedoc Ispalme Bourdelois
Qu’ilz nommeront apres Barboxitaine
IX,7
Qui ouvrira le monument trouvé
Et ne viendra le serrer promptement
Mal lui viendra & ne pourra prouvé
Si mieux doit estre roi Breton ou Normand
IX,8
Puisnay Roi fait son pere mettra à mort
Apres conflit de mort tres inhoneste
Escrit trouvé soubson donra remort
Quand loup chassé pose sus la couchette
IX,9
Quand lampe ardente de feu inextinguible
Sera trouvé au temple des Vestales
Enfant trouvé feu, eau passant par trible
Perir eau Nîmes , Tholose cheoir les halles
IX,10
Moine moinesse d’enfant mort exposé
Mourrir par ourse & ravi par verrier
Par Foix & Pamyes le camp sera posé
Contre Tholose Carcas, dresser forrier

Centuria VIII, 91-100

2008-05-17T15:19:00.002-07:00

VIII,91
Frymy les champs des Rodanes entrees
Ou les croisez seront presque unis
Les deux brassieres en pisces rencontrees
Et un grand nombre par deluge punis
VIII,92
Loin hors du regne mis en hazard voyage
Grand ost duira pour soi l’occupera,
Le roi tiendra les siens captif ostrage
A son retour tout pays pillera
VIII,93
Sept mois sans plus obtiendra prelature
Par son deces grand scisme fera naistre
Sept mois tiendra un autre la preture
Pres de Venise paix union renaistre
VIII,94
Devant le lac ou plus cher fut getté
De sept mois, & son host desconfit
Seront Hispans par Albanois gastez
Par delai perte en donnant le conflict
VIII,95
Le seducteur sera mis en la fosse
Et estaché jusques à quelque temps
Le clerc uni le chef avec sa crosse
Picante droite attraira les contens
VIII,96
La synagogue sterile sans nul fruit
Sera receu entre les infideles
De Babylon la fille du porsuit
Misere & triste lui trenchera les aisles
VIII,97
Aux fins du VAR changer le pompotons
Pres du rivage les trois beaux enfants naistre
Ruine au peuple par age competans
Regne ay pays changer plus voir croistre
VIII,98
Des gens d’eglise sang fera espandu
Comme de l’eau en si grand abondance
Et d’un long temps ne sera restranché
Ve, ve au clerc ruine & doleance
VIII,99
Par la puissance des trois rois temporelz
En autre lieu sera mis le saint siege
Ou la substance & et de esprit corporel
Sera remis & receu pour vrai siege
VIII,100
Pour l’abondance de larme respandue
Du hault en bas par le bas au plus hault
Trop grande foir par jeu vie perdue
De soif mourir par habondant deffault

Centuria VIII, 81-90

2008-05-17T15:19:00.001-07:00

VIII,81
Le neuf empire en desolation
Sera changé du pole aquilonaire
De la Sicile viendra l’esmotion
Troubler l’emprise à Philip tributaire
VIII,82
Ronge long, sec faisant du bon valet,
A la parfin n’aura que son congie
Poignant poison & lettres au collet
Sera saisi eschappé en dangie
VIII,83
Le plus grand voile hors de port de Zara
Pres de Bisance fera son entreprinse,
D’ennemi parte & l’ami ne sera
Le tiers à deux fera grand pille & prinse
VIII,84
Paterne orra de la Sicile crie,
Tous les aprests du Goulphre de Trieste
Qui s’entendra jusques à la Trinacrie
Tant de voiles, fui, fui, l’horrible
VIII,85
Entre Bayonne & à Saint Jean de Lux
Sera posé de Mars la promottoire
Aux Hanix d’Aquilon Nanar hostera lux
Puis suffocqué au lict sans adjutoire
VIII,86
Par Arami Tholoser ville franque
Bande infini par le mont Adrian
Passe riviere , Hutin par pont la planque
Bayonne entrera tous Bihoro criant
VIII,87
Mort conspiree viendra en plein effect
Charge donnee & voiage de mort,
Esleu, crée, receu par siens deffait
Sang d’innocence devant foi par remort
VIII,88
Dans la Sardaigne un noble Roi viendra
Que ne tiendra que trois ans le royaume,
Plusieurs coulleurs avec soi conjoindra
Lui mesmes apres soin someil marrit scome
VIII,89
Pour ne tumber entre mains de son oncle,
Qui ses enfans par regner trucidez
Orant au peuple mettant pied sur Peloncle
Mort & traisné entre chevaulx bardez
VIII,90
Quand des croisez un trouvé de sens trouble
En lieu du sacre verra un boeuf cornu
Par vierge porc son lieu sera comble
Par roi plus ordre ne sera soustenu

Centuria VIII, 71-80

2008-05-17T15:18:00.001-07:00

VIII,71
Croistra le nombre si grand des astronomes
Chassez, bannis & livres censurez
L’an mil six cents sept par sacre glomes
Que nul aux sacres ne seront asseurez
VIII,72
Champ Perusin d’enorme deffaite
Et le conflit tout au pres de Ravenne
Passage sacre lors qu’on fera la feste
Vainqueur vaincu cheval manger la venne
VIII,73
Soldat barbare le grand Roi frappera
Injustement non esloigné de mort,
L’avare mere du fait cause fera
Conjurateur & regne en grand remort
VIII,74
En terre neufue bien avant Roi entré
Pendant subges lui viendront faire acueil,
Sa perfidie aura tel aura tel recontré
Qu’aux citadins lieu de feste & receuil.
VIII,75
Le pere & filz seront meurdris ensemble
Le prefecteur dedans son pavillon
La mere à Tours du filz ventre aura enfle
Criche verdure de failles papillon
VIII,76
Plus Macelin que roi Angleterre
Lieu obscure nay par force aura l’empire
Lasche sans foi , sans loi saignera terre
Son temps approche si presque que je soupire
VIII,77 pg. 410
L’antechrist trois bien tost annichilez,
Vingt & sept ans sang durera sa guerre
Les heretiques mortz, captifz, exilez
Sang corps humain eau rougi gresler terre
VIII,78
Un Bragamas avec la langue torte
Viendra des dieux le sanctuaire
Aux heretiques il ouvrira la porte
En suscitant l’eglise militaire
VIII,79
Qui par fer pere perdra nay de Nonnaire
De Gorgon sur la sera sang perfetant
En terre estrange fera si tant de taire
Qui bruslera lui mesme & son enfant
VIII,80
Des innocens le sang de vefue & vierge
Tant de maulx faitz par moyen se grand Roge
Saintz simulacres trempez en ardent cierge
De frayeur crainte ne verra nul que boge

Centuria VIII, 61-70

2008-05-17T15:17:00.001-07:00

VIII,61
Jamais par le descouvrement du jour
Ne parviendra au signe sceptrifere
Que tous ses sieges ne soient en sejour
Portant du coq don du TAG amifere
VIII,62
Lors qu’on verra expiler le saint temple,
Plus grand du rosne leurs sacrez profaner:
Par eux naistra pestilence si ampte
Roi fui injuste ne fera condamner
VIII,63
Quand l’adultere blessé sans coup aura
Merdri la femme & le filz par despit
Femme assoumee l’enfant estranglera
Huit captifz prins, s’estouffer sans respit
VIII,64
Dedans les isles les enfans transportez
Les deux de sept seront en desepoir
Ceux du terrouer en seront supportez
Nom pelle prins des ligues fui l’espoir.
VIII,65
Le vieux frustré du principal espoir,
Il parviendra au chef de son empire:
Vingt mois tiendra le regne à grand pouvoir
Tiran, cruel en delaissant un pire
VIII,66
Quand l’escriture , D.M. trouvee
En cave antique à lampe descouverte
Loi,Roi, & Prince Ulpian esprouvee
Pavillon rogne & Duc sous la couvert
VIII,67
PAR. CAR. NERSAF, à ruine grand discorde,
Ne l’un ne l’autre n’aura election,
Nersaf du peuple aura amour & concorde
Ferrare, Callonne grande protection
VIII,68
Vieux cardinal par le jeune deceu,
Hors de sa change se verra desarmé,
Arles ne monstres double soit aperceu
Et Liqueduct & le Prince embausmé
VIII,69
Aupres du jeune le vieux ange baisser
Et le viendra surmonter à la fin
Dix ans esgaux au plus vieux rabaisser
De trois deux l’un huitiesme seraphin
VIII,70
Il entrera villain, mechant, infame
Tyrannisant la Mesopotamie,
Tous amis fait d’adulterine d’ame
Terre horrible, noir de phisonomie

Centuria VIII, 51-60

2008-05-17T15:15:00.000-07:00

VIII,51
Le Bizantin faisant oblation
Apres avoir Cordube à soi reprinse
Son chemin long repos pamplation
Mer passant proi par la Colongna prinse
VIII,52
Le roi de Blois dans Avignon regner
D’amboise & seme viendra le long de Lyndre
Ongle à Poitiers sainctes aesles ruiner
Devant Boni...
VIII,53
Dedans Bolongne vouldra laver ses fautes
Il ne pourra au temple du soleil
Il volera faisant choses si haultes
En hierarchie n’en fut oncq un pareil
VIII,54
Soubz la colleur du traicte mariage
Fait magnanime par grand Chyren selin,
Quintin, Arras recouvrez au voyage
D’espaignolz fait second banc macelin
VIII,55
Entre deux fleuves se verra enserré
Tonneaux & caques unis à passer
outre
Huict pontz rompus chef à tant enferré
Enfans parfaictz sont jugetez en coultre
VIII,56
La bande foible le terre occupera
Ceux de hault lieux feront horribles cris,
Le gros troppeau d’estre coin troublera
Toute pres D.nebro descouvers les escris
VIII,57
De soldat simple parviendra en empire
De robe courte parviendra à la longue
Vaillant aux armes en eglise on plus pire
Vexer les prestres comme l’eau fait l’esponge
VIII,58
Regne en querelle aux freres divisé
Prendre les armes & le nom Britannique
Tiltre Anglican sera guard advisé
Surprins de nuict mener à l’air Gallique
VIII,59
Par deux fois hault, par deux fois mis à bas
L’orient aussi l’occident foiblira
Son adversaire apres plusieurs combats
Par mer chassé au besoign faillira.
VIII,60
Premier en Gaule, premier en Romanie
Par mer & terre aux Anglois & Paris
Mervilleux faitz par celle grand mesnie
Violent terax perdra le NORLARIS

Centuria VIII, 41-50

2008-05-17T15:14:00.000-07:00

VIII,41
Esleu sera Renad ne sonnant mot
Faisant le faint public vivant pain d’orge
Tyranniser apres tant à un cop
Mettant à pied des plus grans sus la gorge
VIII,42
Par avarice, par force & violence
Viendra vexer les siens chiefz d’Orleans
Pres saint Memire assault & resistance
Mort dans sa tante diront qu’il dort leans
VIII,43
Par le decide de deux choses bastars
Nepveu du sang occupera le regne
Dedans lectoyre seront les coups de dars
Nepveu par peur plaire l’enseigne
VIII,44
Le procée naturel dogmion
De sept à neuf du Chemin destornes
A roi de longue & ami aumi hom,
Doit à Navarre fort de PAU prosterner
VIII,45
La main escharpe & la jambe bandee
Longs puis nay de Calais portera
Au mot du guet la mort sera tardee
Puis dans le temple à Pasques saignera
VIII,46
Pol mensolee mourra trois lieus de Rosne
Fuis les deux prochains tarasc destrois
Car Mars fera le plus horrible trosne
De coq & d’aigle de France, freres trois.
VIII,47
Lac Trasmenien portera tesmoignage
Des conjurez serez dedans Perouse,
Un despolle contrefera le sage
Truant Tedesque de sterne & minuse
VIII,48
Saturne en Cancer, Jupiter avec Mars,
Dedans Feurier Chaldondon salvaterre
Sault Castallon affailli de trois pars,
Pres de Verbiesque conflit mortelle guerre
VIII,49
Saturn: au boeuf joue en l’eau, Mars en fleiche
Six de Fevrier mortalité donra
Ceux de Tardaigne à Briges si grand breche
Qu’à Ponteroso chef Barbarin mourra
VIII,50
La pestilence l’entour de Capadille,
Un autre faim pres de Sagont s’appreste
Le chevalier bastard de bon senille
Au grand de Thunes fera trancher la teste

Centuria VIII, 31-40

2008-05-17T15:12:00.001-07:00

VIII,31
Premier grand fruit le prince de Perquiere
Mais puis viendra bien & cruel malin
Dedans Venise perdra sa gloire fiere
Et mis à mal par plus joyne Celin.
VIII,32
Garde toi roi Gaulois de ton nepveu
Qui fera tant que ton unique filz
Sera meurtri à Venus faisant voeu
Accompaigné de nuit que trois & six
VIII,33
Le grand naistra de Veronne & Vincence
Qui portera un surnom bien indigne
Qui à Venise vouldra faire vengeance
Lui mesme prins homme du guet & signe.
VIII,34
Apres victoire du Lyon au Lyon
Sur la montaigne de JURA Secatombe
Delues & brodes septieme million
Lyon, Ulme à Mausol mort & tombe
VIII,35
Dedans l’entree de Garonne & Baise
Et la forest non loing de Damazan
Du marsaves gelees, puis gresle & bize
Dordonnois gelle par erreur de mezan
VIII,36
Sera commis conte oingdre aduché
De Saulne & sainct Aulbin & Bell’oeuvre
Paver de marbre de tours loing espluché
Non Bleteram resister & chef d’oeuvre
VIII,37
La forteresse aupres de la Tamise
Cherra pra lors le Roi dedans serré
Aupres du pont sera veu en chemise
Un devant mort, puis dans le fort barré
VIII,38
Le Roi de Blois dans Avignon regner
Un autre fois le peuple emonopole
Dedans le Rhosne par murs fera baigner
Jusques à cinq le dernier pres de Nolle
VIII,39
Qu’aura esté par prince Bizantin
Sera tollu par prince de Tholoze
La foi de Foix par le chef Tholentin
Lui faillira ne refusant l’espouse
VIII,40
Le sang de Juste par Taurer la daurade
Pour se venger contre les Saturnins
Au nouveau lac plongeront la maynade
Puis marcher contre les Albanins.

Centuria VIII, 21-30

2008-05-17T15:11:00.001-07:00

VIII,21
Au port d’Agde trois fustes entreront
Portant l’infect non foi & pestilence
Passant le pont mil milles embleront
Et le pont rompre à tierce resistance
VIII,22
Gorsan, Narbonne, par le sel advertir
Tucham la grace Parpignam trahie
La ville rouge n’y vouldra consentir
Par haulte vol drap gris vie faillie
VIII,23
Lettres trouvees de la roine les coffres
Point de subscript sans aucun nom d’hauteur
Par la police seront caché les offres
Qu’on ne scaura qui sera l’amateur
VIII,24
Le lieutenant à l’entree de l’huis,
Assommera la grand de Parpignan,
En se cuidant saulver à Monpertuis
Sera deceu bastard de Luisgnan
VIII,25
Coeur de l’amant ouvert d’amour fertive
Dans le ruisseau fera ravir la Dame
La demi mal contrefera lassive
Le pere à deux privera corps de l’ame
VIII,26
De Caton es trouves en Barcellonne,
Mis descouvers lieu retrouvers & ruine
Le grand qui tient ne tient vouldra Pamplonne
Par l’abbaye de Montferrat bruine
VIII,27
La voye auxelle l’une sur l’autre forniz
Du muy desert hor mis brave & genest
L’escript d’empereur le fenix
Veu en celui ce qu’à nul autre n’est
VIII,28
Les simulacres d’or & argent enflez
Qu’apres le rapt au lac furent gettez
Au desouvert estaincts tous & troublez
Au marbre script prescript intergetez
VIII,29
Au quart pillier l’on sacre à Saturne
Par tremblant terre & deluge fendu
Soubz l’edifice Saturnin trouvee urne,
D’or Capion ravi & puis rendu
VIII,30
Dedans Tholoze non loing de Beluezer
Faisant un puis long,palais d’espectacle
Tresor trouvé un chacun ira vexer,
Et en deux locz & pres del vasacle

Nostradamus, Centurias

2008-05-17T15:08:00.000-07:00

Este blog contém o texto original das centúrias de Nostradamus (Michael de Notre Dame).
In this blog we have the original text of Nostradamus' Centuries.

Centuria VIII, 11-20

2008-05-17T15:07:00.001-07:00

VIII,11
Peuple infini paroistra à Vicence
Sans force feu brusler la Basilique
Pres de Lunage deffait grand de Valence
Lors que Venise par more prendra pique
VIII,12
Apparoistra aupres du Buffalorre
L’hault & procere entré dedans Milan
L’abbé de Foix avec ceux de saint Morre
Feront la forbe abillez en vilan.
VIII,13
Le croisé frere par amour effrenee
Fera par Praytus Bellerophon mourir
Classe à mil ans la femme forcenee
Beu le breuvage, tous deux apres perir
VIII,14
Le grand credit d’or, d’argent l’abondance
Fera aveugler par libide l’honneur
Sera cogneu d’adultere l’offense,
Qui parviendra à son grand deshonneur
VIII,15
Vers Aquilon grans efforts par hommasse
Presque l’Europe & l’univers vexer,
Les deux eclipse mettra en tel chasse,
Et aux Pannons vie & mort renforcer
VIII,16
Au lieu que HIERON feit sa nef fabriquer
Si grand deluge sera & si subite,
Qu’on n’aura lieu ne terres s’atacquer
L’onde monter Fesulan Olympique
VIII,17
Les bien aisez subit seront desmis
Par les trois freres le monde mis en trouble
Cité marine saisiront ennemis
Faim, feu, sang, peste & de tous maux le double
VIII,18
De Flora issue de sa mort sera cause,
Un temps devant par jeune & vieille bueire
Par les troiss lys lui feront telle pause
Par son fruit sauve comme chair crue mueire
VIII,19
A soubstenir la grand cappe troublee
Pour l’esclaircir les rouges marcheront
De mort famille sera presque accablee
Les rouges rouges le rouge assomeront
VIII,20
Le faux messaige par election fainte
Courir par urban rompu pache arreste
Voix acheptees, de sang chappelle tainte
Et à un autre l’empire contraicte

Centuria VIII, 1-10

2008-05-17T15:06:00.001-07:00

VIII,1
PAU, NAY, LORON plus feu qu’à sang sera
Laude nager, fuir grand au surrez.
Les agassas entree refusera.
Pampon, Durance les tiendra enferrez
VIII,2
Condon & Aux & autour de Mirande
Je voi du ciel feu qui les environne.
Sol Mars conjoint au Lion puis marmande
Fouldre, grand gresle, mur tombe dans Garonne
VIII,3
Au fort chasteau de Viglanne & Resviers
Sera serré le puisnay de Nancy
Dedans Turin seront ards les premiers
Lors que de dueil Lyon sera transi
VIII,4
Dedans Monech le coq sera receu
Le Cardinal de France apparoistra
Par Logarion Romain sera deceu
Foiblesse à l’aigle , & force au coq naistra.
VIII,5
Apparoistra temple luisant orné,
La lampe & cierge à Borne & Bretueil
Pour la lucerne le canton destorné
quand on verra le grand coq au cercueil
VIII,6
Clarté fulgure à Lyon apparente
Luisant, print Malte subit sera estainte
Sardon, Mauris traitera decepvante
Geneve à Londes à coq trahison fainte
VIII,7
Verceil, Milan donna intelligence
Dedans Tycin sera faite la paye
Courir par Siene eua, sang, feu par Florence
Unique choir d’hault en bas faisant mase,
VIII,8
Pres de linterne dans de tonnes fermez
Chivaz fera pour l’aigle la menee
L’esleu cassé lui ses gens enfermez,
Dedans Turin rapt espouse emmenee
VIII,9
Pendant que l’aigle & le coq à Savone
Seront unis Mer Levant & Ongrie
L’armee à Naples, Palerme, Marque d’Ancone
Rome, Venise par Barb horrible crie.
VIII,10
Puanter grande sortira de Lausanne
Qu’on ne seura l’origine du fait
Lon mettra hors toute le gente loingtaine
Feu veu au ciel, peuple estranger deffait.

Centuria VII, 41-42

2008-05-17T15:04:00.000-07:00

VII,41
Les oz des piedz & des main enserrés,
Par bruit maison long temps inhabitee:
Seront par songes concavent deterrés,
Maison salubre & sans bruit habitee.
VII,42
Deux de poison saisiz nouveau venuz,
Dans la cuisine du grand Prince verser:
Par le souillard tous deux au faicts congneuz
Prins que cuidoit de mort l’aisné vexer.

(INCOMPLETE)

Centuria VII, 31-40

2008-05-17T15:03:00.000-07:00

VII,31
De Languedoc, & Guienne plus de dix,
Mille voudront les Alpes repasser:
Grans Allobroges marcher contre Brundis
Aquin & Bresse les viendront recasser.
VII,32
Du mont Royal naistra d’une casane,
Qui cave, & compte viendra tyranniser
Dresser copie de la marche Millane,
Favene, Florence d’or & gens espuiser.
VII,33
Par fraude regne, forces expolier,
La classe obsesse, passages à l’espie:
Deux fainctz amis se viendront rallier,
Esveiller haine de long temps assoupie.
VII,34
En grand regret sera la gent Gauloise
Coeur vain, legier croirera temerité:
Pain, sel, ne vin, eaue: venin ne cervoise
Plus grand captif, faim, froit, necessité.
VII,35
La grand pesche viendra plaindre, plorer
D’avoir esleu, trompés seront en l’aage:
Guiere avec eux ne voudra demourer,
Deçeu sera par ceux de son langaige.
VII,36
Dieu, le ciel tout le divin verbe à l’unde,
Porté par rouges sept razes à Bisance:
Contre les oingz trois cens de Trebisconde,
Deux loix mettront, & l’horreur puis credence.
VII,37
Dix envoyés, chef de nef mettre à mort,
D’un adverti, en classe guerre ouverte:
Confusion, chef l’un se picque & mord,
Lerin, stecades nefz cap dedans la nerte.
VII,38
L’aisné Royal sur coursier voltigeant,
Picquer viendra si rudement courir:
Gueulle, lipee, pied dans l’estrein pleignant
Trainé, tiré, horriblement mourir.
VII,39
Le conducteur de l’armeé Françoise,
Cuidant perdre le principal phalange:
Par sus pave de l’avaigne & d’ardoise,
Soi parfondra par Gennes gent estrange.
VII,40
Dedans tonneaux hors oingz d’huile & gresse,
Seront vingt un devant le port fermés,
Au second guet par mont feront prouesse:
Gaigner les portes & du guet assommés.

Centuria VII, 21-30

2008-05-17T15:02:00.000-07:00

VII,21
Par pestilente inimitié Volsicque,
Dissimulee chassera le tyran:
Au pont de Sorgues se fera la traffique,
De mettre à mort lui & son adherent.
VII,22
Les citoyens de Mesopotamie,
Yrés encontre amis de Tarraconne,
Jeux, ritz, banquetz, toute gent endormie
Vicaire au Rosne, prins cité, ceux d’Ausone.
VII,23
Le Royal sceptre sera contrainct de prendre,
Ce que ses predecesseurs avoient engaigé:
Puis que l’aneau on fera mal entendre,
Lors qu’on viendra le palais saccager.
VII,24
L’enseveli sortira du tombeau,
Fera de chaines lier le fort du pont:
Empoisonné avec oeufz de Barbeau,
Grand de Lorraine par le Marquis du Pont.
VII,25
Par guerre longue tout l’exercite expuiser,
Que pour souldartz ne trouveront pecune:
Lieu d’or d’argent, cuir on viendra cuser,
Gaulois aerain, signe croissant de Lune.
VII,26
Fustes & galees autour de sept navires,
Sera livree une mortelle guerre:
Chef de Madric recevra coup de vivres,
Deux eschapees & cinq menees à terre.
VII,27
Au cainct de Vast le grand cavalerie,
Proche à Ferrage empeschee au bagaige:
Pompt à Turin feront tel volerie,
Que dans le fort raviront leur hostaige.
VII,28
Le capitaine conduira grande proie,
Sur la montaigne des ennemis plus proche,
Environné, par feu fera tel voie,
Tous eschappex or trente mis en broche.
VII,29
Le grand Duc d’Albe se viendra rebeller
A ses grans peres fera le tradiment:
Le grand de Guise le viendra debeller,
Captif mené & dressé monument.
VII,30
Le sac s’approche, feu, grand sang espandu
Po, grand fleuves, aux bouviers l’entreprinse,
De Gennes, Nice, apres long attendu,
Foussan, Turin, à Savillon la prinse.

Centuria VII, 11-20

2008-05-17T14:55:00.000-07:00

VII,11
L’enfant Royal contemnera la mere
Oeil, piedz blessés, rude, inobeissant,
Nouvelle à dame estrange & bien amere,
Seront tués des siens plus de cinq cens.
VII,12
Le grand puisné fera fin de la guerre,
Aux dieux assemble les excusés :
Cahors, Moissac iront long de la serve,
Reffus Lestore , les Agenois razés.
VII,13
De la cité marine & tributaire
La teste raze prendra la satrapie:
Chasser sordide qui puis sera contraire
Par quatorze ans tiendra la tyrannie.
VII,14
Faux esposer viendra topographie
Seront les cruches des monuments ouvertes
Palluler secte saincte philosophie
Pour blanches, noir, & pour antiques veres
VII,15
Devant cité de l’Insubre contree,
Sept ans sera le siege devant mis:
Le tres grand Roi y fera son entree
Cité puis libre hors de ses ennemis
VII,16
Entreé profonde par la grand Roine faicte
Rendra le lieu puissant inacessible
L’armee des trois lions sera deffaite,
Faisant dedans cas hideux & terrible
VII,17
Le prince rare de pitié & clemence,
Viendra changer par mort grand cognoissance:
Par grand repos le regne travaillé,
Lors que le grand tost sera estrillé.
VII,18
Les assiegés couloureront leur paches,
Sept jours apres feront cruelle issue
Dans repoulsés feu, sang. Sept mis à l’hache
Dame captive qu’auvoit la paix tissue.
VII,19
Le fort Nicene ne sera combatu,
Vaincu sera par rutilant metal
Son faict sera un long temps debatu,
Aux citadins estrange espouvantal.
VII,20
Ambassadeurs de la Toscane langue,
Avil & Mai Alpes & mer passer:
Celui de veau exposera l’harangue,
Vie Gauloise ne venant effacer.

Centuria VII, 1-10

2008-05-17T14:50:00.000-07:00

VII,1
L’arc du thresor par Achilles deçeu
Aux procrées sceu la quadrangulaire
Au faict Royal le comment sera sceu
Cors veu pendu au veu du populaire
VII,2
Par Mars overt Arles ne donra guerre,
De nuict seront les soldartz estonnés
Noir,blanc à l’inde dissimulés en terre
Sous la faincte umbre traistres verez & sonnés
VII,3
Apres de France la victoire navale,
Les Barchinons, Saillinons, les Phocens
Lierre d’or, l’enclume serré dedans la basle,
Ceux de Ptolon au fraud seront consens
VII,4
Le duc de Langres assiegé dedans Dolle,
Accompaigné d’Ostun & Lyonnois:
Geneve, Auspour, joinct ceux de Mirandole,
Passer les monts contre les Anconnois
VII,5
Vin sur la table en sera respandu
Le tiers n’aura celle qu’il pretendoit
Deux fois du noir de Parme descendu,
Perouse à Pize fera ce qu’il cuidoit
VII,6
Naples, Palerme, & toute la Secille,
Par main barbare sera inhabitee
Corsicque,Salerne & de Sardeigne l’isle
Faim,peste,guerre fin de maux intemptee
VII,7
Sur le combat des grans cheveux legiers
On criera le grand croissant confond,
De nuict tuer monts , habits de bergiers,
Abismes rouges dans le fossé profond
VII,8
Flora fuis, fuis le plus proche Romain
Au fesulan sera conflict donné:
Sang espandu les plus grands prins à main
Temple ne sexe ne sera pardonné
VII,9
Dame à l’absence de son grand capitaine
Sera priee d’amours du Viceroi
Faincte promesse & malheureuse estraine
Entre les mains du grand Prince Barrois
VII,10
Par le grand Prince limitrophe du Mans
Preux & vaillant chef de grand excercite:
Par mer & terre de Gallotz & Normans
Caspre passer Barcelone pillé isle

Centuria VI, 91-100

2008-05-17T14:46:00.000-07:00

VI,91
Du conducteur de la guerre navale,
Rouge effrené, severe horrible grippe,
Captif eschappé de l’aisné dans la baste:
Quant il naistra du grand un filz Agrippe.
VI,92
Prince de beauté tant venuste
Au chef menee,le second faict trahi
La cité au glaive de poudre face aduste
Par le trop grand meutre le chef du Roi hai
VI,93
Prelat avare d’ambition trompé
Riem ne sera que trop viendra cuider
Ses messagiers, & lui bien attrapé
Tout au rebours voir, qui le bois fendroit
VI,94
Un Roi iré sera aux sedifragues
Quant interdicts seront harnois de guerre
La poison taincte au succre par les fragues
Par eaux meutris, mors, disant serre serre
VI,95
Par detracteur calumnie à puis nay
Quant istront faicts enormes & martiaux:
Le moindre part dubieuse à l’aisnay
Et tost au regne seront faicts partiaux
VI,96
Grande cité à soldatz abandonné
Onques n’y eust mortel tumulte si proche
O quel hideuse calamité s’approche
Fors une offense n’y sera pardonnée
VI,97
Cinq, & quarante degrés ciel bruslera,
Feu approcher de la grand cité neufve,
Instant grand flamme exparse sautera
Quand on voudra des Normans faire preuve
VI,98
Ruine aux Volsques de peur si fort terribles
Leur grand cité taincte, faict pestilent
Piller Sol, Lune & violer leurs temples
Et les deux fleuves rougir de sang coulant
VI,99
L’ennemi docte se tournera confus,
Grand camp malade, & de faict par embusches,
Monts Pyrenees & Poenus lui seront faicts refus
Proche du fleuve decouvrant anticques cruches.
VI,100
LEGIS CANTIO CONTRA INEPTOS CRITICOS
Quos legent hosce versus maturè censunto,
Profanum vulgus & inscium ne attrectato
Omnesq; Astrologi Blenni, Barbari procul sunto
Qui alter facit , is ritè, sacer esto.

Centuria VI, 81-90

2008-05-17T14:45:00.000-07:00

VI,81
Pleurs,cris & plaincts, hurlement effrayeur,
Coeur inhumain, cruel, noir & transi:
Leman, les isles de Gennes les majeurs,
Sang epancher, frofaim à nul merci.
VI,82
Par les deserts de lieu, libre & farouche,
Viendra errer nepveu du grand Pontife:
Assommé à sept avecques lourde souche,
Par ceux, qu’apres occuperont le cyphe.
VI,83
Celui qu’aura tant d’honneur & caresses
A son entree de la Gaule Belgique:
Un temps apres fera tant de rudesses,
Et sera contre à la fleur tanta bellique
VI,84
Celui qu’en Sparte Claude ne peut regner,
Il fera tant par voie sedeuctive:
Que du court, long, le fera araigner,
Que contre Roi sera sa perspective
VI,85
La grand cité de Tharse par Gaulois
Sera destruite, captifz tous à Turban:
Secours par mer du grand Portugalois,
Premier d’esté le jour du sacre Urban.
VI,86
Le grand Prelat un jour apres son songe,
Interpreté au rebours de son sens:
De la Gascogne lui surviendra un monge,
Qui fera eslire le grand Prelat de sens.
VI,87
L’election faite dans Frankfort,
N’aura nul lieu Milan s’opposera:
Le sien plus proche semblera si grand fort
Que outre le Rhin és mareschz chassera.
VI,88 pg.343
Un regne grand demourra desolé,
Aupres del Hebro se feront assemblees:
Monts Pyrenees le rendront consolé,
Lors que dans Mai seront terres tremblees.
VI,89
Entre deux cymbes piedz & mains estachés,
De miel face oingt & de laict substanté:
Guespes & mouches, fitine amour fachés
Poccilateur faucer, Cyphe tempté
VI,90
L’honissement puant abhominable
Apres le faict sera felicité,
Grand excusé, pour n’estre favourable,
Qu’à paix Neptune ne sera incité

Centuria VI, 71-80

2008-05-17T14:44:00.001-07:00

VI,71
Quand on viendra le grand roi parenter
Avant qu’il ait du tout l’ame rendue,
Celui qui moins le viendra lamenter,
Par Lions, d’aigles, croix, couronne vendue.
VI,72
Par fureur faincte d’esmotion divine,
Sera la femme du grand fort violee:
Juges voulans damner telle doctrine,
Victime au peuple ignorant imolee.
VI,73
En cité grande un moine & artisan,
Pres de la porte logés & aux murailles:
Contre Modene secret, cave disant,
Trahis pour faire souz couleur d’espousailles.
VI,74
La deschasse au regne tournera,
Ses ennemis trouvés des conjurés:
Plus que jamais son temps triomphera,
Trois & septante à mort trop asseurés.
VI,75
Le grand pilot par Roi sera mandé,
Laisser la classe pour plus haut lieu attaindre:
Sept ans apres sera contrebandé,
Barbare armée viendra Venise craindre.
VI,76
La cité antique d’antenoree forge.
Plus ne pouvant le tyran supporter:
Le manchet fainct au temple couper gorge,
Les siens le peuple à mort viendra boucher.
VI,77
Par la victoire du deceu fraudulente,
Deux classes une, la revolte Germaine:
Le chef meurtri & son filz dans la tente,
Florence, Imole pourchassés dans Romaines.
VI,78
Crier victoire du grand Selin croissant,
Par les Romains sera l’Aigle clamé,
Ticcin, Milan, & Gennes n’y consent,
Puis par eux mesmes Basil grand reclamé.
VI,79
Pres du Tesin les habitans du Loire,
Garonne & Saonne, Seine, Tain, & Gironde:
Outre les monts dresseront promontoire,
Conflict donné Pau granci , submergé onde.
VI,80
De Fez le regne parviendra à ceux d’Europe
Feu leur cité, & lame trenchera:
Le grand d’Asie terre & mer à grand troupe,
Que bleux, pers, croix, à mort dechassera.

Centuria VI, 61-70

2008-05-17T14:43:00.001-07:00

VI,61
Le grand tappis plié ne monstrera,
Fois qu’à demi la pluspart de l’histoire:
Chassé du regne loing aspre apparoistra
Qu’au faict bellique chascun le viendra croire.
VI,62
Trop tard tous deux fleurs seront perdues,
Contre la loi serpent ne voudra faire:
Des ligueurs forces par gallots confondues,
Savone, Albinque par monech grand martyre.
VI,63
La dame seute au regne demuree,
L’unic estaint premier au lict d’honneur.
Sept ans sera de douleur exploree,
Puis longue vie au regne par grand heur.
VI,64
On ne tiendra pache aucune arresté,
Tous recevans iront par tromperie:
De paix & trefve, terre & mer protesté.
Par Barcelone classe prins d’industrie.
VI,65
Gris & bureau demie ouverte guerre,
De nuict seront assaillis & pillez:
Le bureau prins passera par la serre
Son temple ouvert, deux au plastre grillez.
VI,66
Au fondement de la nouvelle secte,
Seront les os du grand Romain trouvés,
Sepulchre en marbre apparoistra couverte,
Terre, trembler en Avril, mal enfouetz.
VI,67
Au grand Empire parviendra tout un aultre
Bonté distant plus de felicité:
Regi par un issue non loing du peaultre,
Corruer regnes grande infelicité.
VI,68
Lors que soldatz fureur seditieuse,
Contre leur chef feront de niuct fer luire:
Ennemi d’Albe soit par main furieuse,
Lors vexer Rome & principaux seduire.
VI, 69
La pitié grande sera sans loing tarder,
Ceux qui donoient seront contrains de prendre.
Nudz affamez de froit, soif, soi bander,
Les monts passer commettant grand esclandre
VI,70
Au chef du monde le grand Chyren sera,
Plus oultre apres aimé, craint, redoubté:
Son bruit & loz les cieux surpassera.
Et du seul titre victeur fort contenté.

Centuria VI, 51-60

2008-05-17T14:42:00.001-07:00

VI,51
Peuple assemblé, voir nouveau expectacle,
Princes & Rois par plusieurs assistans:
Pilliers faillir, murs, mais comme miracle
Le Roi sauvé & trente des instants.
VI,52
En lieu du grand qui sera condemné,
De prison hors son ami en sa place:
L’espoir Troien en six mois joinct, mort nay,
Le Sol à l’urne seront prins fleuves en glace.
VI,53
Le grand Prelat Celtique à Roi suspect,
De nuict par cours sortira hors du regne:
Par duc fertile à son grand Roi, Bretaigne,
Bisance à Cipres & Tunes insuspect.
VI,54
Au poinct du jour au second chant du coq,
Ceulx de Tunes, de Fez, & de Bugie,
Par les Arabes captif le Roi Maroq,
L’an mil six cens & sept, de Liturgie.
VI,55
Au chlamé Duc, en arrachant l’esponce,
Voile Arabesque voir, subit descouverte:
Tripolis Chio, & ceux de Trapesonce,
Duc prins, Marnegro & la cité deserte.
VI,56
La crainte armee de l’ennemi Narbon,
Effrayera si fort les Hesperiques;
Parpignan vuide par l’aveugle darbon,
Lors Barcelon par mer donra les piques.
VI,57
Celui qu’estoit bien avant dans le regne,
Ayant chef rouge proche à la hierarchie:
Aspre & cruel, & se fera tant craindre,
Succedera à sacré monarchie.
VI,58
Entre les deux monarques esloinguez,
Lors que Sol par Selin clair perdue:
Simulté grande entre deux indignez,
Qu’aux Isles & Sienne la liberté rendue.
VI,59
Dame en fureur par rage d’adultere,
Viendra à son Prince conjurer non de dire:
Mais bref cogneu sera le vitupere,
Que seront mis dix sept à martyre.
VI,60
Le Prince hors de son terroir Celtique
Sera trahi, deceu par l’interprete:
Rouan, Rochelle par ceux de l’Armorique
Au port de Blaue deceus par moine & prebstre.

Centuria VI, 41-50

2008-05-17T14:41:00.000-07:00

VI,41
Le second chef de regne d’Annemarc,
Par Ceux de Frise & l’isle Brittanique,
Fera despendre plus de cent mille marc,
Vain exploicter voyage en Italique.
VI,42
A lomygon sera laissé le regne,
Du grand Selin qui plus fera de faict:
Par les Italies estiendra son enseigne,
Regi sera par prudent contrefaict.
VI,43
Long temps sera sans estre habitée,
Ou Signe & Marne autour vient arrouser:
De la Tamise & martiaux tentée,
Decevez les gardes en cuidant repouser.
VI,44
De nuicts par Nantes L’Iris apparoistra,
Des artz marins susciteront la pluie:
Arabique goulfre grand classe parfondra,
Un monstre en Saxe naistra d’ours & truie.
VI,45
Le gouverneur du regne bien scavant,
Ne consentir voulant au faict Royal:
Mellile classe par le contraire vent,
Le remettra à son plus desloyal.
VI,46
Un juste sera en exile renvoyé,
Par pestilence aux confins de Nonseggle,
Response au rouge le fera destroyé,
Roi retirant à la Rane & à l’aigle.
VI,47
Entre deux monts les deux grans assemblés
Delaisseront leur simulté secrette:
Brucelle & Dolle par Langres acablés,
Pour à Malignes executer leur peste.
VI,48
La saincteté trop faincte & seductive,
Accompaigné d’une langue diserte:
La cité vieille & Parme trop hastive,
Florence & Sienne rendront plus desertes.
VI,49
De la partie de Mammer grand Pontife,
Subjugera les confins du Danube:
Chasser les croix par fer raffe ne riffe,
Capitfz, or, bagues plus de cent mille rubes.
VI,50
Dedans le puys seront trouvés les oz.
Sera l’incest conmis par la maratre:
L’estat changé on querra bruict & loz,
Et aura Mars attendant pour son astre.

Centuria VI, 31-40

2008-05-17T14:40:00.000-07:00

VI,31
Roi trouvera ce qu’il desiroit tant,
Quand le Prelat sera reprins à tort.
Responce au duc le rendra mal content,
Qui dans Milan mettra plusieurs a mort.
VI,32
Par trahison de verges à mort battu,
Prins surmonté sera par son desordre:
Conseil frivole au grand captif sentu,
Nez par fureur quant Berich viendra mordre.
VI,33 pg.320
Sa main derniere par Alus sanguinaire
Ne se pourra par la mer guarentir:
Entre deux fleuves craindre main militaire,
Le noir l’ireux le fera repentir.
VI,34
Du feu volant la machination,
Viendra troubler au grand chef assiegez:
Dedans sera telle sedition,
Qu’en desespoir seront les profligez.
VI,35
Pres de Rion & proche à la blanche laine,
Aries, Taurus, Cancer, Leo, la Vierge,
Mars , Jupiter, le Sol ardra grand plaine
Bois & citez, lettres cachez au cierge.
VI,36
Ne bien ne mal par bataille terrestre,
Ne parviendra aux confins de Perousse:
Rebeller Pise, Florence voir mal estre,
Roi nuict blessé sur mulet à noire house.
VI,37
L’oeuvre ancienne se parachevera,
Du toict cherra sur le grand mal ruine:
Innocent faict mort on accusera:
Nocent caiché taillis à la bruine.
VI,38
Au profligez de paix les ennemis,
Apres avoir l’Italie superee:
Noir sanguinaire, rouge sera commis,
Feu,sang verser, eaue de sang couloree.
VI,39
L’enfant du regne par paternelle prinse,
Expolié sera pour delivrer:
Apres du lac Trasimen l’azur prinse,
La troupe hostaige por trop fort s’enivrer.
VI,40
Grand du Magonce pour grand soif estaindre,
Sera privé de sa grand dignité:
Ceux de Cologne si fort le viendront plaindre,
Que le grand groppe au Rin sera getté.

Nostradamus, Centuria I, Index

2008-05-17T14:32:00.000-07:00

1-5
6-10
11-15
16-20
21-30
31-35
36-40
41-45
46-50
51-55
56-60
61-65
66-70
71-75
76-80
81-85
86-90
91-95
96-100

Centuria VI, 21-30

2008-05-17T14:31:00.000-07:00

VI,21
Quant ceux du polle artiq unis ensemble,
En Orient grand effrayeur & crainte.
Esleu nouveau, soustenu le grand tremble,
Rhodes, Bisance de sang Barbare taincte.
VI,22
Dedans la terre du grand temple celique,
Nepveu à Londres par paix faincte meutri:
La barque alors deviendra scismatique,
Liberte faincte sera au corn & cri.
VI,23
D’esprit de regne munismes descriées,
Et seront peuples esmuez contre leur Roi:
Paix, faict nouveau, sainctes loix empirées,
Rapis onc fut en si tres dur arroi.
VI,24
Mars & le sceptre se trouvera conjoinct,
Dessoubz Cancer calamiteuse guerre:
Un peu apres sera nouveau Roi oingt,
Qui par long temps pacifiera la terre.
VI,25
Par Mars contraire sera la monarchie,
Du grand pecheur en trouble ruineux:
Jeune noir rouge prendra la hierarchie,
Les proditeurs iront jour bruineux.
VI,26
Quatre ans le siege quelque bien peu tiendra,
Un surviendra libidineux de vie:
Ravenne & Pise, Veronne soustiendront,
Pour eslever la croix de Pape envie.
VI,27
Dedans les isles de cinq fleuves à un,
Par le croissant du grand Chyren Selin:
Par les bruines de l’aer fureur de l’un,
Six eschapés, cachés fardeaux de lin.
VI,28
Le grand Celtique entrera dedans Rome,
Menant amas d’exilés & bannis:
Le grand pasteur mettra à mort tout homme,
Qui pour le coq estoient aux Alpes unis.
VI,29
La veuve saincte estendant les nouvelles,
De ses rameaux mis en perplex & trouble:
Qui sera duict appaiser les querelles,
Par son pourchas des razes fera comble.
VI,30
Par l’apparence de faincte saincteté,
Sera trahi aux ennemis le siege:
Nuict qu’on cuidoit dormir en seureté,
Pres de Braban marcheront ceux du Liege.

Centuria VI, 11-20

2008-05-17T14:20:00.002-07:00

VI,11
Des sept rameaux à trois seront reduicts,
Les plus aisnez seront surprins par mort,
Fraticider les deux seront seduicts,
Les conjurez en dormans seront mors.
VI,12
Dresser copies pour monter à l’Empire
Du Vatican le sang Royal tiendra:
Flamans, Anglois, Espaigne avec Aspire,
Contre l’Italie & France contendra.
VI,13
Un dubieux ne viendra loing du regne,
La plus grand part le voudra soustenir:
Un Capitole ne voudra point qu’il regne,
Sa grande charge ne pourra maintenir.
VI,14
Loing de sa terre Roy perdra la bataille,
Prompt eschappé poursuivi suivant prins,
Ignare prins soubs la doree maille.
Soubs fainct habit & l’ennemy surprins.
VI,15
Dessoubs la tombe sera trouvé le Prince,
Qu’aura le pris par dessus Nuremberg:
L’Espaignol Roi en Capricorne mince,
Fainct & trahi par le grand Uvitemberg.
VI,16
Ce qui ravi sera du jeune Milve,
Par les Normans de France & Picardie:
Les noirs du temple du lieu de Negrisilve
Feront aulberge & feu de Lombardie.
VI,17
Apres les lismes brusler les asniers,
Contraints seront changer habits divers:
Les Saturnins bruslez par les meusniers,
Hors la plupart qui ne sera convers.
VI,18
Par les phisiques le grand Roy delaissé,
Par sort non art de l’Ebrieu est en vie,
Lui & son genre au regne hault poussé.
Grace donnee à gent qui Christ envie.
VI,19
La vraie flamme engloutira la dame,
Que voudra mettre les Innocens à feu:
Pres de l’assaut l’exercite s’enflamme,
Quant dans Seville monstre en boeuf sera veu.
VI,20
L’union faincte sera peu de duree,
Des uns changés reformés la pluspart:
Dans les vaissaux sera gent endurée,
Lors aura Rome un nouveau liepart.

Centuria VI, 1-10

2008-05-17T14:20:00.001-07:00

VI,1
Autour des monts Pyrenees grans amas,
De gent estrange secourir roi nouveau:
Pres de Garonne du grant temple du Mas,
Un Romain chef le craindra dedans l’eau.
VI,2
En l’an cinq cens octante plus & moins,
On attendra le siecle bien estrange:
En l’an sept cens, & trois cieux en tesmoings.
Que plusieurs regnes un à cinq feront change.
VI,3
Fleuve qu’esprouve le nouveau nay Celtique,
Sera en grande de l’empire discord:
Le jeune prince par gent ecclesiastique,
Ostera le sceptre coronel de concorde.
VI,4
Le Celtiq fleuve changera de rivaige,
Plus ne tiendra la cité d’Agripine:
Tout transmué ormis le vieil langaige,
Saturne, Leo, Mars, Cancer en rapine.
VI,5
Si grand famine par unde pestifere.
Par pluie longue le long du pole arctique,
Samarobrin cent lieux de l’hemisphere,
Vivront sans loi exempt de pollitique.
VI,6
Apparoistra vers la Septentrion,
Non loin de Cancer l’estoille chevelue:
Suze, Sienne, Boece, Eretrion,
Mourra de Rome grand, la nuict disperse.
VI,7
Norneigre & Dace, & l’isle Britannique,
Par les unis freres serong vexées:
Le chef Romain issue de sang Gallique,
Et les copies au forestz repoulsées.
VI,8
Ceux qui estoient en regne pour scavoir,
Au Royal change deviendront apouvris:
Uns exilez sans appui, or, n’avoir,
Lettrez & lettres ne seront à grand pris.
VI,9
Au sacrez temples seront faicts escandales,
Comptez seront par honneurs & louanges.
D’un que on grave d’argent, d’or les medalles,
La fin sera en torments bien estranges.
VI,10
Un peu de temps les temples des couleurs
De blanc & noir des deux entremeslée:
Rouges et jaunes leur embleront les leurs
Sang, terre,peste, faim, feu, d’eau affollée.

Centuria V, 91-100

2008-05-17T14:06:00.001-07:00

V,91
Au grand marché qu’on dict des mensongiers,
Du tout Torrent & champ Athenien:
Seront surprins par les chevaux legiers,
Par Albanois Mars, Leo, Sat. un versien.
V,92
Apres le siege tenu dix sept ans,
Cinq changeront en tel revolu terme:
Puis sera l’un esleu de mesme temps,
Qui des Romains ne sera trop conforme.
V,93
Soubs le terroir du rond globe lunaire,
Lors que sera dominateur Mercure:
L’isle d’Escosse fera un luminaire,
Qui les Anglois mettra à deconfiture.
V,94
Translatera en la grand Germanie,
Brabant & Flandres, Gand, Bruges & Bolongne,
La traifue fainte, le grand duc d’Armenie,
Assaillira Vienne & la Coloigne.
V,95
Nautique rame invitera les umbres
Du grand Empire lors viendra conciter:
La mer Aegee des lignes les encombres,
Empeschant l’onde Tirreme defflotez.
V,96
Sur le milieu du grand monde la rose,
Pour nouveaux faicts sang public espandu:
A dire vrai on aura bouche close,
Lors au besoing viendra tard l’attendu.
V,97
Le nay difforme par horreur suffoqué,
Dans la cité du grand Roi habitable:
L’edict severe des captifs revoqué,
Gresle & tonnere, Condon inestimable.
V,98
A quarante huict degré climaterique,
A fin de Cancer si grande seicheresse:
Poisson en mer, fleuve, lac cuit hectique,
Bearn, Bigorre par feu ciel en destresse.
V,99
Milan, Ferrare, Turin & Aquillaye,
Capne Brundis vexés par gent Celtique:
Par le Lion & phalange aquilee
Quant Rome aura le chef vieux Britannique.
V,100
Le boutefeu par son feu attrapé,
De feu du ciel à Carcas & Cominge:
Foix, Aux, Mazere, haut veillart eschappé,
Par ceux de Hasse, des Saxons & Turinge.

Centuria V, 81-90

2008-05-17T14:05:00.001-07:00

V,81
L’oiseau royal sur la cité solaire,
Sept mois devant fera nocturne augure:
Mur d’Orient cherra tonnerre esclaire,
Sept jours aux portes les ennemis à l’heure.
V,82
Au conclud pache hors de la fortresse,
Ne sortira celui en desespoir mis:
Quand ceux d’Arbois, de Langres, contre Bresse,
Auront monts Dolle, bouscade d’ennemis.
V,83
Ceux qui auront entreprins subvertir,
Nompareil regne puissant & invincible:
Feront par fraude, nuictz trois advertir,
Quant le plus grand à table lira Bible.
V,84
Naistra du gouphre & cité immesuree,
Nay de parents obscure & tenebreux:
Qui la puissance du grand roi reveree,
Voudra destruire par Rouen & Evereux.
V,85
Par les Sueves & lieux circonvoisins,
Seront en guerre pour cause des nuees:
Gamp marins locustes & cousins,
Du Leman fautes seront bien desnuees.
V,86
Par les deux testes, & trois bras separés,
La cité grande par eaux sera vexee:
Des grands d’entre eux par exile esgarés,
Par teste perse Bisance fort pressee.
V,87
L’an que Saturne hors de servage,
Au franc terroir sera d’eau inundé:
De sang Troyen sera son mariage,
Et sera ceur d’Espaignols circundé.
V,88
Sur le sablon par un hideux deluge,
Des autres mers trouvé monstre marin:
Proche du lieu sera faict un refuge,
Tenant Savone esclave de Turin.
V,89
Dedans Hongrie par Boheme, Navarre,
Et par banniere fainctes seditions:
Par fleurs de lys pays portant la barre,
Contre Orleans sera emotions,
V,90
Dans les cyclades, en perinthe & larisse,
Dedans Sparte tout le Pelloponnesse:
Si grand famine, peste par faux connisse,
Neuf mois tiendra & tout le cherronesse.

Centuria V, 71-80

2008-05-17T14:04:00.002-07:00

V,71
Par la fureur d’un qui attendra l’eau,
Par la grand raige tout l’exercite esmeu:
Chargé des nobles à dix sept bateaulx,
Au long du Rosne, tard messagier venu.
V,72
Pour le plaisir d’edict voluptueux,
On meslera la poison dans l’aloy:
Venus sera en cours si vertueux,
Qu’obfusquera du soleil tout à loi.
V,73
Persecutee sera de Dieu l’eglise,
Et les sainctz temples seront expoliez:
L’enfant la mere mettra nud en chemise,
Seront Arabes aux Polons raliez.
V,74
De sang Troyen naistra coeur Germanique
Qu’il deviendra en si haute puissance:
Hors chassera gent estrange Arabique
Tournant l’Eglise en pristine preeminence.
V,75
Montera haut sur le bien plus à dextre,
Demourra assis sur la pierre quarree:
Vers le midi posé à la fenestre,
Baston tortu en main, bouche serree.
V,76
En lieu libere tendra son pavillon,
Et ne voudra en citez prendre place:
Aix, Carpens l’isle volce, mont Cavallon,
Par tous ses lieux abolira sa trasse.
V,77
Tous les degrez d’honneur Ecclesiastique
Seront changez en dial quirinal.
En Martial quirinal flaminique,
Puis un Roi de France le rendre vulcanal.
V,78
Les deux unis ne tiendront longuement,
Et dans treize ans au Barbare Satrappe:
Au deux costez seront tel perdement,
Qu’un benira le Barque & sa cappe.
V,79
La sacree pompe viendra baisser les aisles,
Par la venue du grand legislateur:
Humble haulsera vexera les rebelles,
Naistra sur terre aucun aemulateur.
V,80
Logmion grande Bisance approchera,
Chasse sera le barbarique ligne:
Des deux loix l’une l’estinique lachera,
Barbare & franche en perpetuelle brigue.

Centuria V, 61-70

2008-05-17T14:04:00.001-07:00

V,61
L’enfant du grand n’estant à sa naissance,
Subjugera les hauts monts Apennis:
Fera trembler tous ceux de la balance,
Et de monts feux jusques à mont Senis.
V,62
Sur les rochers sang on les verra plouvoir,
Sol Orient, Saturne Occidental:
Pres d’Orgon guerre, à Rome grand mal voir,
Nefs parfondrees & prins le Tridental.
V,63
De vaine emprise l’honneur indue plaincte,
Galiotz errans par latins froit , faim, vagues
Non loing du Timbre de sang la terre taincte.
Et sur humains seront diverses plagues.
V,64
Les assemblés par repos du grand nombre,
Par terre & mer conseil contremandé:
Pres de l’Autonne Gennes, Nice de l’ombre
Par champs & villes le chef contrebandé.
V,65
Subit venu l’effrayeur sera grande,
Des principaux de l’affaire cachés:
Et dame en braise plus ne sera en veue
Ce peu à peu seront les grans fachés.
V,66
Soubs les antiques edifices vestaulx,
Non esloignez d’aqueduct ruine:
De Sol & Lune sont les luisans metaulx,
Ardante lampe Traian d’or burine.
V,67
Quand chef Perouse n’osera sa tunique
Sens au couvert tout nud s’expolier:
Seront prins sept faict Aristocratique,
Le pere & fils mors par poincte au colier.
V,68
Dans le Danube & du Rhin viendra boire,
Le grand Chameau ne s’en repentira:
Trembler du Rosne & plus fort ceux de Loire,
Et pres des Alpes coq le ruinera.
V,69
Plus ne sera le grand en faux sommeil,
L’inquietude viendra prendre repoz:
Dresser phalange d’or , azur, & vermeil,
Subjuger Affrique la ronger jusques oz.
V,70
Des regions subjectes à la Balance,
Feront troubler les monts par grande guerre.
Captifz tout sexe deu & tout Bisance,
Qu’on criera à l’aube terre à terre.

Centuria V, 51-60

2008-05-17T13:54:00.000-07:00

V,51
La gent de Dace, d’Angleterre & Polonne
Et de Boesme feront nouvelle ligue:
Pour passer outre d’Hercules la colonne
Barcins, Tyrrens dresser cruelle brique.
V,52
Un Roi sera qui donra l’opposite,
Les exilez esleuez sur le regne:
De sang nager la gent caste hyppolite,
Et florira long temps soubs telle enseigne.
V,53
La loi du Sol, & Venus contendens,
Appropiant l’esprit de prophetie:
Ne l’un ne l’autre ne seront entendus,
Par Sol tiendra la loy du grand Messie.
V,54
Du pont Euxine, & la grand Tartarie,
Un roi sera qui viendra voir la Gaule
Transpercera Alane & l’Armenie,
Et dans Bisance lairra sanglante Gaule.
V,55
De la felice Arabie contrade,
Naistra puissant de loi Mahometique:
Vexer l’Espaigne conquester la Grenade,
Et plus par mer à la gent Ligustique.
V,56
Par le trespas du tres vieillart pontife,
Sera esleu Romain de bon aage:
Qu’il sera dict que le siege debisse,
Et long tiendra & de picquant ouvrage.
V,57
Istra du Mont Gaulfier & Aventin
Qui par trou avertira l’armée:
Entre deux rocs sera prins le butin,
De SEXT, mansol faillir le renommee.
V,58
De l’acqueduct d’Uticense, Gardoing,
Par la forest & mont inaccessible,
En mi du pont sera tasché au poing,
Le chef nemans & qui tant sera terrible.
V,59
Au chef Anglois à Nîme trop sejour,
Devers l’Espaigne au secours Aenobarbe:
Quand an Artois faillir estoille en barbe.
V,60
Par teste rase viendra bien mal eslire,
Plus que sa charge ne porte passera:
Si grand fureur & raige fera dire,
Qu’à feu & sang tout sexe trenchera.

Centuria V, 41-50

2008-05-17T13:51:00.000-07:00

V,41
Nay souz les umbres & journée nocturne
Sera en regne & bonté souveraine:
Fera renaistre son sang de l’antique urne,
Renouvellant siecle d’or pour l’aerin.
V,42
Mars esleue en son plus haut befroi,
Fera retraire les Allobrox de France:
La gent Lombarde fera si grand affroi,
A ceux de l’aigle comprins souz la balance.
V,43
La grande ruine des sacrez ne s’esloigne,
Provence, Naples, Sicille, Seez & Ponce:
En Germanie, au Rhin & la Cologne,
Vexez à mort par ceux de Magonce.
V,44
Par mer le rouge sera prins de pirates,
La paix sera par son moyen troublee:
L’ire & l’avare commettra par fainct acte
Au grand Pontife sera l’armee doublee.
V,45
Le grand Empire sera tost desolé
Et translaté pres d’arduenne silve:
Les deux bastardz par l’aisné decollé,
Et regnera Aenodarb, nez de milve.
V,46
Par chapeaux rouges querelles & nouveaux scismes
Quand on aura esleu le Sabinois:
On produira contre lui grans sophismes,
Et sera Rome lesee par Albanois.
V,47
Le grand Arabe marchera bien avant,
Trahi sera par les Bisantinois:
L’antique Rodes lui viendra au devant,
Et plus grand mal par autre Pannonois.
V,48
Apres la grand affliction du sceptre,
Deux ennemis par eux seront defaictz:
Classe d’Afrique aux Pannons viendra naistre,
Par mer & terre seront horribles faictz.
V,49
Nul de l’Espaigne mais de l’antique France
Ne sera esleu pour le tremblant nacelle,
A l’ennemi sera faicte fiance,
Qui dans son regne sera peste cruelle.
V,50
L’an que deux freres du lys seront en aage,
L’un d’eux tiendra la grand la Romanie:
Trembler les monts, ouvert Latin passage
Pache macher, contre fort d’Armenie.

Centuria V, 21-30

2008-05-17T13:49:00.002-07:00

V,21
Par le trespas du monarque latin,
Ceux qu’il aura par regne secouruz:
Le feu luira, divisé le butin,
La mort publique aux hardis incoruz.
V,22
Avant qu’à Rome grand aie rendu l’ame,
Effrayeur grande à larmée estrangere:
Par Esquadrons, l’embusche pres de Parme,
Puis les deux rouges ensemble feront chere.
V,23
Le deux contens seront unis ensemble,
Quand la pluspart à Mars seront conjoinct.
Le grand d’Affrique en effrayeur & tremble:
DUUMVIRAT par la classe desjoinct.
V,24
Le regne & lois souz Venus eslevé,
Saturne aura sus Jupiter empire:
La loi & regne par le Soleil levé,
Par Saturnins endurera le pire.
V,25
Le prince Arabe Mars, Sol, Venus, Lyon.
Regne d’Eglise par mer succombera:
Devers la Perse bien pres d’un million,
Bisance, Egypte, ver. serp. invadera.
V,26
La gent esclave par un heur martial,
Viendra en haut degré tant esleuee:
Changeront prince, naistre un provincial,
Passer la mer copie aux monts levee.
V,27
Par feu & armes non loing de la marnegro,
Viendra de Perse occuper Trebisonde:
Trembler Phatos Methelin, Sol alegro,
De sang Arabe d’Adrie couver couvert onde:
V,28
Le bras pendu & la jambe liée,
Visage pasle au seing poignard caché:
Trois qui seront jurez de la meslee,
Au grand de Gennes sera le fer lasché.
V,29
La liberté ne sera recouvree,
L’occupera noir fier vilain inique:
Quand la matiere du pont sera ouvree,
D’Hister, Venise fasché la republique.
V,30
Tout à l’entour de la grand Cité,
Seront soldats logez par champs & villes:
Donner assaut Paris, Rome incité,
Sur le pont lors sera faicte grande pille.

Centuria V, 11-20

2008-05-17T13:49:00.001-07:00

V,11
Mer par solaires seure ne passera,
Ceux de Venus tiendront toute l’Affrique:
Leur regne plus Saturne n’occupera,
Et changera la part Asiatique.
V,12
Aupres du lac Leman sera conduite,
Par garse estrange cité voulant trahir:
Avant son meutre à Auspourg la grande suitte,
Et ceux du Rhin la viendront invahir.
V,13
Par grand fureur le Roi Romain Belgique
Vexer vouldra par phalange barbare:
Fureur grinsseant chassera gent Libyque
Despuis Pannons jusques Hercules la hare.
V,14
Saturne & Mars en leo Espagne captifve,
Par chef Libyque au conflict attrapé,
Proche de Malthe, Heredde prins vive,
Et Romain sceptre sera par coq frappé.
V,15
En navigant captif prins grand pontife,
Grans aprets faillir les clercz tumultuez:
Second esleu absent son bien debise,
Son favori bastard à mort tué.
V,16
A son hault pris plus la lerme sabee,
D’humaine chair par mort en cendres mettre,
A l’isle Pharos par croisars perturbee,
Alors qu’à Rodes paroistra dur espectre.
V,17
De nuict passant le roi pres d’une Andronne,
Celui de Cypres & principal guette:
Le roi failli la main fuict long du Rosne,
Les conjurés l’iront à mort mettre.
V,18
De deuil mourra l’infelix profligé,
Celebrera son vitrix l’hecatombe:
Pristine loi franc edict redigé,
Le mur & Prince au septiesme jour tombe.
V,19
Le grand Royal d’or, d’aerain augmenté,
Rompu la pache, par jeune ouverte guerre:
Peuple affligé par un chef lamenté,
De sang barbare sera converre terre.
V,20
Dela les Alpes grand armée passera,
Un peu devant naistra monstre vapin:
Prodigieux & subit tournera,
Le grand Tosquan à son lieu plus propin.

Centuria V, 1-10

2008-05-17T13:47:00.000-07:00

V,1
Avant venu de ruine Celtique,
Dedans le temple deux parlementeront
Poignard coeur, d’un monté au coursier & pique,
Sans faire bruit le grand enterreront.
V,2
Seps conjurés au banquet feront luire,
Contre les trois le fer hors de navire:
L’un des deux classes au grand fera conduire
Quand par le mail . Denier au front lui tire.
V,3
Le successeur de la Duché viendra,
Beaucoup plus outre que la mer de Tosquane:
Gauloise branche la Florence tiendra,
Dans son giron d’accord nautique Rane.
V,4
Le gros mastin de cité deschassé,
Sera fasché de l’etrange alliance,
Apres aux champs avoir le cerf chassé
Le loup & l’Ours se donront defiance.
V,5
Souz ombre faincte d’oster de servitude,
Peuple & cité l’usurpera lui mesmes:
Pire fera par fraux de jeune pute,
Livré au champ lisant de faux proesme.
V,6
Au roi l’Augur sur le chef la main mettre,
Viendra prier pour la paix Italique:
A la main gauche viendra changer le sceptre
De roi viendra Empereur pacifique.
V,7
Du Triumvir seront trouvé les os,
Cherchant profond thresor aenigmatique:
Ceux d’alentour ne seront en repos.
Ce concaver marbre & plomb metallique.
V,8
Sera laissé le feu vif, mort caché,
Dedans les globes horrible espouvantable,
De nuict à classe cité en poudre lasché,
La cite à feu , l’ennemi favorable.
V,9
Jusques au fonds la grand arq demolue,
Par chef captif, l’ami anticipé:
Naistra de dame front face chevelue,
Lors par astuce Duc à mort attrapé.
V,10
Un chef Celtique dans le conflict blessé,
Aupres de cave voyant siens mort abbatre:
De sang & plaies & d’ennemis pressé,
Et secourus par incognus de quatre.

Centuria IV, 91-100

2008-05-17T13:41:00.002-07:00

IV,91
Au duc Gauloise contrainct battre au duelle,
La nef Mellele monech n’approchera,
Tort accusé, prison perpetuelle,
Son fils regner avant mort taschera.
IV,92
Teste tranchee du vaillant capitaine,
Sera getee devant son adversaire:
Son corps pendu de la classe à l’antenne,
Confus fuira par rames à vent contraire.
IV,93
Un serpent veu proche du lict royal;
Sera par dame nuict chiens n’abayeront:
Lors naistre en France un Prince tant royal,
Du ciel venu tous les Princes verront.
IV,94
Deux grands freres seront chassez d’Espaigne
L’aisné vaincu sous les monts Pyrenees:
Rougir mer, rosne, sang lemam d’Alemaigne,
Narbon, Blyterre, d’Agath contaminees.
IV,95
La regne à deux laissé bien peu tiendront.
Trois and sept mois passés feront la guerre.
Les deux vestales contre eux rebelleront,
Victor puis nay en Armorique terre.
IV,96
La soeur aisnée de l’isle Britannique,
Quinze ans devant le frere aura naissance:
Par son promis moyennant verrifique,
Succedera au regne de balance.
IV,97
L’an que Mercure, Mars, Venus retrograde,
Du grand Monarque la ligne ne faillit:
Esleu du peuple l’usitant pres de Gagdole,
Qu’en paix & regne viendra fort envieillir.
IV, 98
Les Albanois passeront dedans Rome,
Moyennant Langrés demipler affublés,
Marquis & Duc ne pardonnes à homme,
Feu,sang,morbilles,point d’eau, faillir les bleds.
IV,99
L’ainé vaillant de la fille du Roy,
Repousera si profond les Celtiques:
Qu’il mettra foudres, combien en tel arroi
Peu & loing puis profond és Hesperiques.
IV,100
De feu celeste au Royal edifice,
Quant la lumiere de Mars defaillira:
Sept mois grand guerre, mort gent de malefice,
Rouen, Eureux au Roi ne faillira.

Centuria IV, 81-90

2008-05-17T13:41:00.001-07:00

IV,81
Pont on fera promptement de nacelles,
Passer l’armee du grand prince Belgique:
Dans profondres & non loing de Brucelles,
Outre passés, detrenchés sept à picque.
IV,82
Amas s’approche venant d’Esclavonie,
L’Olestant vieux cité ruinera:
Fort desolee verra sa Romanie.
Puis la grand flamme estaindre ne sçaura.
IV,83
Combat nocturne le vaillant capitaine,
Vaincu fuira peu de gens profligé:
Son peuple esmeu, sedition non vaine,
Son propre filz le tiendra assiegé.
IV,84
Un grand d’Auxerre mourra bien miserable,
Chassé de ceux qui soubs lui ont esté:
Serré de chaines , apres d’un rude cable,
En l’an que Mars, Venus, & Sol, mis en esté,
IV,85
Le charbon blanc du noir sera chassé,
Prisonnier faicte mené au tombereau:
More Channeau sus piedz entrelassez,
Lors le puisné sillera l’aubereau.
IV,86
L’an que Saturne en eau sera conjoinct.
Avecques Sol, le Roi fort & puissant:
A Reims & Aix sera reçeu & oingt,
Apres conquestes meutrira innocens.
IV,87
Un filz du Roi tant de langues aprins,
A son aisné au regne different :
Son pere beau au plus grand filz comprins
Fera perir principal adherent.
IV,88
Le grand Antoine au nom de faicte sordide
De Phthiriase à son dernier rongé:
Un qui de plomb voudra estre cupide,
Passant le port d’esleu sera plongé.
IV,89
Trente de Londres secret conjureront,
Contre leur Roi sur le pont entreprinse,
Lui, satalites la mort degousteront.
Un roi esleu blonde, natif de Frize.
IV,90
Les deux copies aux murs ne pourront joindre.
Dans cest instant trembler Milan, Ticin:
Faim, soif doubtance si fort les viendra poindre,
Chair, pain, ne vivres n’auront un seul boucin.

Centuria IV, 71-80

2008-05-17T13:40:00.002-07:00

IV,71
En lieu d’espouse les filles trucidees,
Meurtre à grand faulte ne sera superstile:
Dedans le puys vestules inondées,
L’espouse estraincte par hauste d’Aconite.
IV,72Les Artomiques par Agen & l’Estore,
A sainct Felix feront leur parlement:
Ceux de Basas viendront à la mal’heure,
Saisir Condon & Marsan promptement.
IV,73
Le nepeu grand par forces prouvera,
Le pache faict du coeur pusillanime:
Ferrare & Ast le Duc esprouvera,
Par lors qu’au soir sera le pantomime.
IV,74
Du lac liman & ceux de Brannonices,
Tous assemblez contre ceux d’Aquitaine
Germains beaucoup, encor plus Souisses,
Seront defaictz avec ceux d’Humaine.
IV,75
Prest à combatre fera defection.
Chef adversaire obtiendra la victoire.
L ‘arriere garde fera defension,
Les deffaillans mort au blanc territoire.
IV,76
Les Nictobriges par ceux de Perigort,
Seront vexez tenant jusques au Rosne:
L’associé de Gascons & Begorne,
Trahir le temple, le prebstre estant au prosne.
IV,77
SELIN monarque l’Italie pacifique,
Regnes unis Roi chrestien du monde:
Mourrant voudra coucher en terre blesique
Apres pirates avoir chassé de l’onde.
IV,78
La grand armee de la pugne civile,
Pour de nuict Parme à l’estrange trouvée,
Septante neuf meurtris dedans la ville,
Les estrangiers passez tous à l’espee.
IV,79
Sang Royal fuis, Monhurt,Mas, Eguillon,
Remplis seront de Bourdelois les landes,
Navarre, Bigorre poinctes & eguillons,
Profondz de faim vorer de liege glandes.
IV,80
Pres du grand fleuve, grand fosse, terre egeste,
En quinze pars sera l’eau divisee:
La cité prinse, feu, sang, cris conflict mettre
Et la plus part concerne au collisee.

Centuria IV, 61-70

2008-05-17T13:40:00.001-07:00

IV,61
Le vieux mocqué & privé de sa place,
Par l’estrangier qui le subornera:
Mains de son filz mangées devant sa face,
Le frere à Chartres, Orl. Rouen trahira.
IV,62
Un coronel ,machine ambition,
Se saisira de la plus grand armée,
Contre son prince fainte invention,
Et descouvert sera soubz sa ramée.
IV,63
L’armée Celtique contre les montaignars ,
Qui seront sceus & prins à la lipee:
Paysans frais pousseront tost faugnars,
Precipitez tous au fil de l’espee.
IV,64
Le deffaillant en habit de bourgeois,
Viendra le Roi tempter de son offence:
Quinze souldartz la plupart Ustagois,
Vie derniere & chef de sa chevance.
IV,65
Au deserteur de la grand forteresse,
Apres qu’aura son lieu abandonné:
Son adversaire fera si grand prouesse,
L’Empereur tost mort sera condamné.
IV,66
Soubz couleur faincte de sept testes rasées
Seront semés divers esplorateurs:
Puys & fontaines de poisons arrousées,
Au fort de Gennes humains devorateurs.
IV,67
L’an que Saturne & Mars esgaux combuste,
L’air fort seiché longue trajection:
Par feux secrets, d’ardeur grand lieu adust
Peu pluie, vent chault , guerres , incursions.
IV,68
En lieu bien proche non estoigné de Venus,
Les deux plus grans de l’Asie & d’Afrique
Du Rhin & Hister qu’on dira sont venus,
Cris, pleurs à Malte & costé ligustique.
IV,69
La cité grande les exiles tiendront,
Les citadins morts meurtris & chassés:
Ceulx d’Aquilee à Parme promettront,
Monstrer l’entree par les lieux non trassés.
IV,70
Bien contigue des grans monts Pyrenees,
Un contre l’aigle grand copie addresser:
Ouvertes veines, forces exterminees,
Comme jusque à Pau le chef viendra chasser.

Centuria IV, 51-60

2008-05-17T13:39:00.000-07:00

IV,51
Un Duc cupide son enemi ensuivre,
Dans entrera empeschant la phalange:
Hastez à pied si pres viendront poursuivre,
Que la journee conflite pres de Gange.
IV,52
En cité obsesse aux murs hommes & femmes,
Ennemis hors le chef prest à soi rendre
Vent sera fort encontre les gendarmes,
Chassez seront par chaux , pousiere & cendre.
IV,53
Les fugitifs & bannis revoquez,
Peres & fils grand garnissant les hauts puits:
Le cruel pere & les siens suffoquez,
Son fils plus pire submergé dans le puits.
IV,54
Du nom qui onques ne fut au Roy Gaulois,
Jamais ne fut un fouldre si craintif:
Tremblant l’Italie, l’Espaigne & les Anglois,
De femme estrangiers grandement attentif.
IV,55
Quant la corneille sur tout de brique joincte,
Durant sept heures ne fera que crier:
Mort presagee de sang statue taincte,
Tyran meutri, aux Dieux peuple prier.
IV,56
Apres victoire de rabieuse langue,
L’esprit tempté en tranquil & repos:
Victeur sanguin par conflict faict harangue,
Roustir la langue & la chair & les os.
IV,57
Ignare envie au grand Roi supportee,
Tiendra propos deffendre les escripitz:
Sa femme non femme par un autre tentee,
Plus double deux ne fort ne criz.
IV,58
Soleil ardent dans le gosier coller,
De sang humain arrouser terre Etrusque:
Chef seille d’eaue, mener son fils filer,
Captive dame conduicte en terre Turque.
IV,59
Deux assiegez en ardente ferveur,
De soif estaincts pour deux plaines tasses:
Le fort limé, & un vieillart resveur,
Au Genevois de Nira monstra trasse.
IV,60
Les sept enfans en hostaige laissés,
Le tiers viendra son enfant trucider:
Deux pars son filz seront d’estoc percés,
Gennes, Florence, los viendra encunder.

Centuria IV, 41-50

2008-05-17T13:36:00.001-07:00

IV,41
Gymnique sexe captive par hostage,
Viendra de nit custodes deceveoir:
Le chef du camp deçeu par son langage:
Lairra à la gente, sera piteux à voir.
IV,42
Geneve & Langres par ceux de Chartres & Dole,
Et par Grenoble captif au Montlimard:
Seyssett, Losanne par fraudulente dole
Les trahiront par or soixante marc.
IV,43
Seront ouis au ciel des armes battre:
Celui an mesme les divins ennemis:
Voudrant loix sainctes injustement debatre,
Par foudre & guerre bien croyans à mort mis.
IV,44
Deux gros de Mende, de Roudés & Milhau,
Cahours, Limoges, Castres malo sepmano
De nuech l’intrado de Bourdeaux un cailhau,
Par Perigort au toc de la campano.
IV,45
Par conflit Roi, regne abandonnera,
Le plus grand chef failira au besoing:
Mors profligés peu en rechapera,
Tous destranchés un en sera tesmoing.
IV,46
Bien defendu le faict par excellence,
Garde toy Tours de ta proche ruine:
Londres & Nantes par Reims fera defense
Ne passe outre au temps de la bruine.
IV,47
Le noir farouche quand aura essayé
Sa main sanguine par feu, fer, arcs tendus:
Trestout le peuple sera tant effrayé,
Voir les plus grans par col & pieds pendus.
IV,48
Planure Ausonne fertile, spacieuse,
Produira taons si tant de sauterelles:
Clarté solaire deviendra nubileuse,
Ronger le tout , grand peste venir d’elles.
IV, 49
Devant le peuple, sang sera respandu,
Que de haut ciel ne viendra esloigner:
Mais d’un long temps ne sera entendu,
L’esprit d’un seul le viendra tesmoigner.
IV,50
Libra verra regner les Hesperies,
De ciel & terre tenir la monarchie:
D’Asie forces nul ne verra paries,
Que sept ne tiennent par rang la hierarchie.

Centuria IV, 31-40

2008-05-17T13:35:00.003-07:00

IV,31
La Lune au plain de nuict sur le haut mont,
Le nouveau sophe d’un seul cerveau l’a veu:
Par ses disciples estre immortel semond,
Yeux au midi, en sein mains, corps au feu.
IV,32
Es lieux & temps chair au poisson donra lieu,
La loi commune sera faicte au contraire:
Vieux tiendra fort plus osté du millieu,
Le Pánta chiona philón mis fort arriere.
IV,33
Jupiter joinct plus Venus qu’à la Lune,
Apparoissant de plenitude blanche:
Venus cachée souz la blancheur Neptune
De Mars frappée par la gravée branche.
IV,34
Le grand mené captif d’estrange terre,
D’or enchainé au Roy CHYREN offert:
Qui dans Ausone, Milan perdra la guerre,
Et tout son ost mis à feu & à fer.
IV,35
Le feu estaint, les vierges trahiront
La plus grand part de la bande nouvelle:
Fouldre à fer, lance ses seulz Roi garderont
Etrusque & Corse , de nuict gorge allumelle.
IV,36
Les jeux nouveau en Gaule redressés,
Après victoire de l’Insubre champaigne:
Monts d’Esperie, les grands liés, troussés:
De peur trembler la Romaigne & l’Espaigne.
IV,37
Gaulois par saults , monts viendra penetrer:
Occupera le grand lieu de l’Insubre:
Au plus profond son ost fera entrer,
Gennes, Monech pousseront classe rubre.
IV,38
Pendant que Duc, Roi, Royne occupera,
Chef Bizant du captif en Samothrace:
Avant l’assault l’un l’autre mangera,
Rebours ferré suivra du sang la trace.
IV,39
Les Rhodiens demanderont secours,
Par le neglect de ses hoirs delaisseé:
L’Empire Arabe revalera son secours,
Par Hesperies la cause redressée.
IV,40
Les fortresses des assiegés serrés,
Par poudre à feu profondés en abisme:
Les proditeurs servont tous vifs serrés,
Onc aux sacristes n’advint si piteux scisme.

Centuria IV, 21-30

2008-05-17T13:35:00.001-07:00

IV,21
Le changement sera fort difficile,
Cité, province au change gain fera:
Coeur haut, prudent mis, chassé lui habile,’
Mer, terre, peuple son estat changera.
IV,22
La grand copie qui sera deschasée,
Dans un moment fera besoing au Roi,
La foi promise de loing sera faulsée
Nud se verra en piteux desarroi.
IV,23
La legion dans la marine classe,
Calcine, Magnes soulphre, & poix bruslera:
Le long repos de l’asseuree place,
Port Selyn, Hercle feu les consumera.
IV,24
Oui soubs terre saincte dame voix fainte,
Humaine flamme pour divine voix luire:
Fera les seuls de leur sang terre tainte,
Et les saincts temples pour les impurs destruire.
IV,25
Corps sublimes sans fin à l’oeil visibles:
Obnubiler viendront par ces raisons:
Corps, front comprins , sens chief & invisibles.
Diminuant les sacrees oraisons.
IV, 26
Lou grand eyssame se levera d’abelhos,
Que non sauran don te siegen venguddos:
De nuech l’embousque, lou gach dessous las treilhos
Cuitad trahido per cinq lengos non nudos.
IV,27
Salon, Mansol, Tarascon de SEX. l’arc,
Ou est debout encor la piramide:
Viendront livrer le Prince Dannemarc,
Rachat honni au temple d’Artemide.
IV,28
Lors que Venus du Sol sera couvert,
Soubs l’esplendeur sera forme occulte:
Mercure au feu les aura descouvert,
Par bruit bellique sera mis a l’insulte.
IV,29
Le Sol caché eclipse par Mercure,
Ne sera mis que pour le ciel second:
De Vulcan Hermes sera faicte pasture,
Sol sera veu pur, rutilant & blond.
IV,30
Plus onze fois Luna Sol ne voudra,
Tous augmenté & baissez de degré:
Et si bas mis que peu or on coudra.
Qu’apres faim, peste, descouvert le secret.

Centuria IV, 11-20

2008-05-17T13:34:00.001-07:00

IV,11
Celui qu’aura gouvert de la grand cappe,
Sera induict à quelques cas patrer
Les douze rouges viendront fouiller la nappe.
Soubz meutre, meutre se viendra perpetrer.
IV,12
Le camp plus grand de route mis en fuite,
Guaires plus outre ne sera pourchassé:
Ost recampé, & legion reduicte,
Puis hors ses Gaules du tout sera chassé.
IV,13
De plus grand perte nouvelles raportées,
Le raport fait le camp s’estonnera:
Bandes unies encontre revoltées,
Double phalange grand abandonnera.
IV,14
La mort subite du premier personnage.
Aura changé & mis un autre au regne:
Tost, tard venu à si haut & bas aage,
Que terre & mer faudra que on le craigne.
IV,15
D’où pensera faire venir famine,
De là viendra le rassasiement:
L’oeil de la mer par avare canine
Pour de l’un l’autre donra buile,
froment.
IV,16
La cité franche de liberté fait serve,
Des profligés & resveurs faict asile:
Le Roy changé à eux non si proterve
De cent seront devenus plus de mille.
IV,17
Changer à Beaune, Nuy, Chalons & Dijon,
Le duc voulant amander la Barrée
Marchant pres fleuve, poisson, bec de plongeon,
Vers la queue; porte sera serrée.
IV,18
Des plus lettrés dessus les faicts celestes
Seront par princes ignorans reprouvés:
Punis d’Edit, chassez comme scelestes,
Et mis à mort là où seront trouvés.
IV,19
Devant Rouen d’Insubres mis le siege,
Par terre & mer enfermés les passages:
D’Haynault, & Flandres, de Gand & ceux de Liege,
Par dons laenées raviront les rivages.
IV,20
Paix uberté long temps lieu louera;
Par tout son regne desert la fleur de lis:
Corps morts d’eau, terre là lon apportera,
Sperants vain heur d’estre là ensevelis.

Centuria IV, 1-10

2008-05-17T13:33:00.002-07:00

IV,1
Cela du reste de sang non espandu,
Venise quiert secours estre donné,
Apres avoir bien long temps attendu,
Cité livrée au premier cornet sonné.
IV,2
Par mort la France prendra voyage à faire,
Classe par mer, marcher monts Pyrenées,
Espaigne en trouble, marcher gent militaire:
Des plus grand Dames en France emmenées.
IV,3
D’Arras & Bourges, de Brodes grans enseignes,
Un plus grand nombre de Gascons batre à pied,
Ceux long du Rosne saigneront les Espaignes:
Proche du mont ou Sagonte s’assied.
IV,4
L’impotent prince faché, plaincts & querelles,
De rapts & pillé, par coqz & par Libiques:
Grand est par terre par mer infinies voilles
Seule Italie sera chassant Celtiques.
IV,5
Croix, paix, soubz un accompts divin verbe,
L’Espaigne & Gaule seront unis ensemble:
Grand clade proche, & combat tresacerbe,
Coeur si hardi ne sera qui ne tremble.
IV,6
D’habits nouveaux apres faicte la treuve,
Malice tramme & machination:
Premier mourra qui en fera la preuve,
Couleur venise insidiation.
IV,7
Le mineur filz du grand & hai Prince,
De lepre aura à vingt ans grande tache,
De deuil sa mere mourra bien triste & mince,
Et il mourra là où tombe cher lache.
IV,8
La grand cité d’assaut prompt & repentin,
Surprins de nuict, gardes interrompus:
Les excubies & vielles sainct Quintin,
Trucidés gardes & les pourtails rompus.
IV,9
Le chef du camp au milieu de la presse,
D’un coup de fleche sera blessé aux cuisses,
Lors que Geneve en larmes & detresse,
Sera trahi par Lozan & Souisses.
IV,10
Le jeune prince accusé faulsement,
Mettra en trouble le camp & en querelles:
Meutri le chef pour le soustenement,
Sceptre appaiser: puis guerir escrouelles.

Centuria III, 91-100

2008-05-17T13:33:00.001-07:00

III,91
L’arbre qu’estoit par long temps mort seché,
Dans une nuict viendra à reverdir:
Cron Roy malade, Prince pied estaché,
Criant d’ennemis fera voile bondir.
III,92
Le monde proche du dernier periode,
Saturne encor tard sera de retour:
Translat empire devers nation Brodde,
L’oeil arraché à Narbon par Autour.
III,93
Dans Avignon tout le chef de l’empire
Fera arrest pour Paris desolé:
Tricast tiendra l’Annibalique ire,
Lyon par change sera mal consolé.
III,94
De cinq cens ans plus compte l’on tiendra
Celui qu’estoit l’adornement de son temps:
Puis à un coup grand clarté donra,
Que par ce siecle les rendra tres contens.
III,95
La loy Moricque on verra defaillir,
Apres un autre beaucoup plus seductive:
Boristhenes premier viendra faillir,
Par dons & langue une plus attractive.
III,96
Chef de Fossan aura gorge coupee,
Par le ducteur du limier & leurier:
La faict patré par ceux de mont Tarpee,
Saturne en Leo 13 de Fevrier.
III,97
Nouvelle loi terre neufue occuper,
Vers la Syrie, Judee & Palestine:
Le grand empire barbare corruer,
Avant que Phoebus son siecle determine.
III,98
Deux royals freres si fort guerroierent,
Qu’entre eux sera la guerre si mortelle:
Qu’un chacun places fortes occuperont,
De regne & vie sera leur grand querelle.
III,99
Aux champs herbeux d’Alein et du Varneigne,
Du mont Lebron proche de la Durance,
Camps de deux parts conflict sera si aigre
Mespotamie defaillira en la France.
III,100
Entre Gaulois le dernier honnoré,
D’homme ennemi sera victorieux:
Force & terroir en moment exploré
D’un coup de traict quand mourra l’envieux.

Centuria III, 81-90

2008-05-17T13:32:00.002-07:00

III,81
Le grand crier sans honte audacieux,
Sera esleu gouverneur de l’armee:
La hardiesse de son contentieux,
Le pont rompu cité de peur pasmee.
III,82
Friens, Antibor, villes autour de Nice,
Seront vastees fort par mer & par terre:
Les saturelles terre & mer vent propice,
Prins, morts, troussez, pillés, sans loi de guerre.
III,83
Les longs cheveux de la Gaule Celtique,
Accompaignez d’estranges nations:
Mettront captif la gent Aquitanique,
Pour succomber à internitions.
III,84
La grand cité sera bien desolee,
Des habitans un seul n’y demoura:
Mur, sexe, temple & vierge violee,
Par fer, feu, peste, canon peuple mourra.
III,85
La cité prinse par tromperie & fraude,
Par le moyen d’un beau jeune attrappé:
Assaut donne Raubine pres de LAUDE,
Lui & tous morts pour avoir bien trompé.
III,86
Un chef d’Ausonne aux Espaignes ira,
Par mer fera arrest dedans Marseille:
Avant sa mort un long temps danguira
Apres sa mort on verra grand merveille.
III,87
Classe Gauloise n’approches de Corsegue,
Moins de Sardaigne tu t’en repentiras:
Trestout mourrez frustrez de l’aide grogne,
Sang nagera, captif ne me croiras.
III,88
De Barcellone par mer si grand armee,
Tout Marseille de frayeur tremblera:
Isles saisies de mer aide fermee,
Ton traditeur en terre nagera.
III,89
En ce temps là sera frustrée Cypres,
De son secours de ceux de mer Egee:
Vieux trucidez, mais par mesles & lyphres
Seduict leur Roy, Royne plus outragee.
III,90
Le grand Satyre & Tigre d’Hyrcanie,
Don presenté à ceux de l’Occean:
Un chef de classe istra de Carmanie,
Qui prendra terre au Tyrren Phocean.

Centuria III, 71-80

2008-05-17T13:32:00.001-07:00

III,71
Ceux dans les isles de longtemps assiegez,
Prendront vigeur force contre ennemis:
Ceux par dehors mors de faim profligez,
En plus grand faim que jamais seront mis.
III,72
Le bon vieillard tout vif enseveli,
Pres du grand fleuve par fausse souspeçon:
Le nouveau vieux de richesse ennobli,
Prins a chemin tout l’or de la rançon.
III,73
Quand dans la regne parviendra le boiteux,
Competiteur aura proche bastard:
Lui & le regne viendront si fort roigneux,
Qu’ains qu’il guerisse son faict sera bien tard.
III,74
Naples, Florence, Favence & Imole,
Seront en termes de telle fascherie:
Que pour complaire aux malheureux de Nolle,
Plainct d’avoir faict à son chef moquerie.
III,75
Pau, Verone, Vicence, Sarragousse,
De glaives loings terroirs de sang humides:
Peste si grande viendra à la grand gousse,
Proche secours, & bien loing les remedes.
III,76
En Germanie naistront diverses sectes,
S’approchant fort de l’heureux paganisme,
Le coeur captif & petites receptes,
Feront retour à payer le vrai disme.
III,77
Le tiers climat sous Aries comprins,
L’an mil sept cens vingt & sept en Octobre:
Le Roy de Perse par ceux d’Egypte prins:
Conflict, mort, perte: à la croix grand opprobre.
III,78
Le chef d’Escosse avec six d’Alemaigne,
Par gens de mer Orienteaux captif:
Traverseront le Calpre & Espaigne,
Present en Perse au nouveau Roy craintif.
III,79
L’ordre fatal sempiternal par chaisne,
Viendra tourner par ordre consequent:
Du port Phocen sera rompu la chaisne,
La cite prinse, l’ennemi quant & quant.
III,80
Du regne Anglois l’indigne dechassé,
Le conseiller par ire mis à feu:
Ses adherans iront si bas tracer,
Que le bastard sera demi receu.

Centuria III, 61-70

2008-05-17T13:31:00.001-07:00

III,61
La grand band & secte crucigere,
Se dressera en Mesopotamie:
Du proche fleuve compaigne legiere,
Que telle tiendra pour ennemie.
III,62
Proche del duero par mer Cyrrene close,
Viendra percer les grands monts Pyrenées:
La main plus courte & sa percee gloze,
A Carcassonne conduira ses menées.
III,63
Romain pouvoir sera du tout abas,
Son grand voisin imiter les vestiges:
Occultes haines civiles & debats,
Retarderont aux bouffons leurs folies.
III,64
Le chef de Perse remplira grande Ochlade,
Classe Frireme contre gent Mahometique:
De Parthe & Mede & pillere les Cyclades,
Repos long temps aux grand port Ionique.
III,65
Quand le sepulcre du grand Romain trouvé,
Le jour apres sera esleu Pontife:
Du Senat gueres il ne sera prouvé,
Empoisonné son sang au sacré scyphe.
III,66
Le grand Baillif d’Orleans mis à mort,
Sera par un de sang vindicatif.
De mort merite ne mourra, ne par sort,
Des pieds & mains mal le faisoit captif.
III,67
Une novelle secte de Philosophes,
Mesprisant mort, or, honneurs & richesses:
Des monts Germains ne seront limitrophes,
A les ensuivre auront appuy & presses.
III,68
Peuple sans chef d’Espaigne & d’Italie,
Morts, profligez dedans le Cherronesse:
Leur dict trahi par legiere folie,
Le sang nager par tout à la traverse.
III,69
Grand excercite conduict par jouvenceau,
Se viendra rendre aux mains des ennemis:
Mais le viellard nay au demi porceau,
Fera Chalon & Mascon estre amis.
III,70
La grande Bretagne comprinse l’Angleterre,
Viendra par eaux si haut à inonder
La ligue neufue d’Ausone fera guerre,
Que contre eux ils se viendront bander.

Centuria III, 51-60

2008-05-17T13:29:00.003-07:00

III,51
Paris conjure un grand meurtre commettre,
Blois le fera sortir en plain effect:
Ceux d’Orleans voudront leur chef remettre,
Angiers, Troye, Langres leur feront un meffait.
III,52
En la campaigne sera si longue pluie,
Et en la Pouille si grand siccité:
Coq verra l’Aigle, l’aesle mal accompli
Par Lyon mise sera en extremité.
III,53
Quand le plus grand emportera le pris,
De Nuremberg, d’Auspourg & ceux de Basle
Par Agrippine chef Frankfort repris:
Traverseront par Flammant jusqu’en Gale.
III,54
L’un des plus grands fuira aux Espaignes
Qu’en longue playe apres viendra saigner:
Passant copies par les hautes montaignes,
Devastant tout & puis en paix regner.
III,55
En l’an qu’un oeil en France regnera,
La court sera à un bien facheux trouble:
Le grand de Blois son ami tuera,
Le regne mis en mal & doubte double.
III,56
Montauban, Nismes,Avignon & Besier,
Peste tonnere & gresle à fin de Mars:
De Paris pont, Lyon mur, Montpellier,
Depuis six cens & sept vingts trois pars.
III,57
Sept fois, changer verrez gent Britannique
Taintz en sang en deux cents nonante an:
Franche non point par appuy Germanique,
Aries doubte son pole Bastarnien.
III,58
Aupres du Rhin des Montaignes Noriques,
Naistra un grand de gens trop tard venu.
Qui defendra Saurome & Pannoniques,
Qu’on ne sçaura qu’il sera devenu.
III,59
Barbare empire par le tiers usurpé,
La plus grand part de son sang mettra à mort:
Par mort senile par lui le quart frappé,
Pour peur que la sang par le sang ne soi mort.
III,60
Par toute Asie grand proscription,
Mesme en Mysie, Lysie, & Pamphylie:
Sang versera par absolution,
D’un jeune noir rempli de felonnie.

Centuria III, 41-50

2008-05-17T13:29:00.001-07:00

III,41
Bossu sera esleu par le conseil,
Plus hideux monstre en terre n’apperceu,
Le coup voulant crevera l’oeil,
Le traitre au Roi pour fidelle reçeu
III,42
L’enfant naistra à deux dents en la gorge,
Pierres en Tuscie par pluie tomberont:
Peu d’ans apres ne sera bled ni orge,
Pour saouler ceux qui de faim failliront.
III,43
Gens d’alentour de Tarn Loth, & Garonne,
Gardez les monts Apennines passer:
Vostre tombeau pres de Rome & d’Anconne,
Le noir poil crespe fera trophee dresser.
III,44
Quand l’animal à l’homme domestique,
Apres grands peines & sauts viendra parler,
De fouldre à vierge sera si malefique,
De terre prinse & suspendue en l’air.
III,45
Les cinq estranges entrez dedans le temple
Leur sang viendra la terre prophaner:
Aux Tholousains sera bien dur exemple,
D’un qui viendra les lois exterminer.
III,46
Le ciel (de Plancus la cité) nous presage,
Par clers insignes & par estoilles fixes:
Que de son change subit s’aproche l’aage,
Ne pour son bien ne pour ses malefices.
III,47
Le vieux monarque dechassé de son regne
Aux Orients son secours ira querre:
Pour peur des croix ployera son enseigne,
En Mitylene ira par port & par terre.
III,48
Sept cens captifs estachez rudement,
Pour la moitié meurtrir, donné le sort:
Le proche espoir viendra si promptement,
Mais non si tost qu’une quinziesme mort.
III,49
Regne Gaulois tu seras bien changé,
En lieu estrange est translaté l’empire
En autres moeurs & lois seras rangé,
Roan, & Chartres te feront bien du pire.
III,50
La republique de la grande cité,
A grand rigeur ne voudra consentir:
Roi sortir hors par trompette cité.
L’eschelle au mur, la cité repentir.

Centuria III, 31-40

2008-05-17T13:28:00.001-07:00

III,31
Aux champs de Mede, d’Arabe & d’Armenie,
Deux grans copies trois fois s’assembleront:
Pres du rivage d’Araxes la mesgnie,
Du grand Soliman en terre tomberont.
III,32
Le grand sepulchre du peuple Aquitanique,
S’approchera aupres de la Toscane:
Quand Mars sera pres du coing Germanique,
Et au terroir de la gent Mantuane.
III,33
En la cité où le loup entrera,
Bien pres de là les ennemis seront:
Copie estrange grand pays gastera,
Aux murs & Alpes les amis passeront.
III,34
Quand le deffault du Soleil lors sera.
Sur le plain jour le monstre sera veu:
Tout autrement on l’interpretera,
Cherté n’a garde mil nul aura.
III,35
Du plus profond de l’Occident d’Europe
De pauvres gens un jeune enfant naistra:
Qui par sa langue seduira grande troupe,
Son bruit au regne d’Orient plus croistra.
III,36
Enseveli non mort apopletique,
Sera trouvé avoir les mains mangees:
Quand la cité damnera l’heretique,
Qu’avoit leurs loix se leur sembloit changees.
III,37
Avant l’assault l’oraison prononcee,
Milan prins d’aigle par embusches decevez:
Muraille antique par canons enfoncee,
Par feu & sang à mercy peu receus.
III,38
La gent Gauloise & nation estrange,
Outre les monts, morts prins & profligez:
Au mois contraire & proche de vendage,
Par les Seigneurs en accord redigez.
III,39
Les sept en trois mois en concorde,
Pour subjuguer des Alpes Appenines:
Mais la tempeste & Ligure covarde,
Les profligent en subites ruines.
III,40
Le grand theatre se viendra redresser,
Les des jettez & les rets ja tendus:
Trop le premier en glaz viendra lasser,
Par acres prostrais de long temps ja fendus.

Centuria III, 21-30

2008-05-17T13:27:00.004-07:00

III,21
Au Crustamin par mer Hadriatique,
Apparoistra un horrible poisson:
De face humaine & la fin aquatique,
Qui se prendra dehors de l’ameçon.
III,22
Six jours l’assaut devant cité donné:
Livree sera forte & aspre bataille:
Trois la rendront & à eux pardonné,
Le reste à feu & sang tranche traille.
III,23
Si France passes entre mer ligustique,
Tu te verras en isles & mers enclos:
Mahommet contraire, plus mer Hadriatique,
Cheveux & d’Asnes tu rongeras les os.
III,24
De l’entreprinse grande confusion,
Parte de gens , tresor innumerable:
Tu n’y dois faire encore tension
France à mon dire fais que sois recordable.
III,25
Qui au Royaume Navarrois parviendra,
Quand de Sicile & Naples seront joints:
Bigore & Landres par Foix loron tiendra,
D’un qui d’Espaigne sera par trop conjoint.
III,26
Des Rois & Princes dresseront simulacres,
Augures, cruez eslueuz aruspices:
Corne, victime dorée, & d’azur, d’acre,
Interpretez seront les extipices.
III,27
Prince libinique puissant en Occident,
François d’Arabe viendra tant enflammer,
Scavans aux lettres sera condescendant,
La langue Arabe en François translater.
III,28
De ferre faible & pauvre parentele,
Par bout & paix parviendra dans l’empire:
Long temps regner une jeune femelle,
Qu’oncques en regne n’en survint un supre.
III,29
Les deux nepveux en divers lieux nourris:
Navale pugne, terre peres tombez:
Viendront si haut esluuez enguerris,
Venger l’injure ennemis succombez.
III,30
Celui qu’en luitte & fer au faict bellique,
Aura porté plus grand que lui le prix:
De nuict au lict six lui feront la pique,
Nud sans harnois subit sera surprins.

Centuria III, 11-20

2008-05-17T13:27:00.003-07:00

III,11
Les armes battre au ciel longue saison
L’arbre au milieu de la cité tombé:
Verbine, rongne, glaive en face, Tison
Lors le monarque d’Hadrie succombé
III,12
Par la tumeur de Heb, Po, Tag, Timbre & Rome
Et par l’estang leman & Arentin
Les deux grands chefs & citez de Garonne,
Prins mors noyez. Partir humain butin.
III,13
Par fouldre en l’arche or & argent fondu,
De deux captifs l’un l’autre mangera:
De la cité le plus grand estendu,
Quand submergee la classe nagera.
III,14
Par le rameau du vaillant personnage,
De France infime, par le pere infelice:
Honneurs, richesses, travail en son vieil aage
Pour avoir creu le conseil d’homme nice.
III,15
Coeur, rigeur, gLoire le regne changera,
De tous points contre ayant son adversaire,
Lors France enfance par mort subjuguera,
Un grand regent sera lors plus contraire.
III,16
Un prince Anglais Mars a son coeur de ciel,
Voudra poursuivre sa fortune prospere:
Des deux duelles l’un percera le fiel,
Hai de lui, bien aimé de sa mere.
III,17
Mont Aventine brusler nuict sera veu,
Le ciel obscur tout à un coup en Flandres:
Quand le monarque chassera son nepveu,
Leurs gens à Eglise commettront les esclandres.
III,18
Apres la pluie laict assez longuette
En plusieurs lieux de Reims le ciel touché:
O quel conflict de sang pres d’eux s’appreste,
Peres & fils Rois n’oseront approcher.
III,19
En Luques sant & laict viendra plouvoir,
Un peu devant changement de preteur:
Grand peste & guerre, faim & soif fera voir.
Loing ou mourra leur Prince recteur.
III,20
Par les contrees du grand fleuve Bethique
Loing d’Ibere au royaume de Grenade:
Croix repoussees par gens Mahometiques,
Un de Cordube trahira la contrade.

Centuria III, 1-10

2008-05-17T13:27:00.001-07:00

III,1
Apres combat & bataille navale,
Le grand Neptune à son plus haut befroi:
Rouge adversaire de peur deviendra pasle
Mettant le grand Ocean en effroi.
III,2
Le divin verbe donrra à la substance,
Comprins ciel, terre, or occult au laict mystique:
Corps, ame esprit ayant toute puissance
Tant soubs ses pieds comme au siege Cetique.
III,3
Mars, & Mercure & l’argente joint ensemble,
Vers le midi extreme siccité:
Au fond d’Asie on dira terre tremble,
Corinthe, Ephese lors en perplexité.
III,4
Quand seron proches de defaut des lunaires,
De l’un à l’autre ne distant grandement,
Froid, siccité, danger sers les frontieres,
Mesme ou l’oracle a prins commencement.
III,5
Pres loing defaut de deux grands luminaires,
Qui surviendra a entre l’Avril & Mars:
O quel cherté nais deux grans debonnaires,
Par terre & mer secourrant toutes pars.
III,6
Dans temple clos le fouldre y entrera,
Les citadins dedans leur fort grevez
Chevaux, boeufs hommes, l’onde mur touchera,
Par faim, soif, soubs les plus faibles armez.
III,7
Les fugitifs, feu du ciel sus les piques.
Conflict prochain des corbeaux s’esbatans,
De terre on crie aide secours celiques,
Quand pres des murs seront les combatants.
III,8
Les Cimbres joints avecques leurs voisins,
Depopuler viendront presque l’Espaigne:
Gens amassez, Guienne & Limosins,
Seront en ligue, & leur feront compaigne.
III,9
Bordeaux, Rouan, & la Rochelle joints,
Tiendront autour la grand mer Occeane,
Anglois, Bretons, & les Flamans conjoints,
Les chafferont jusque au pres de Rouane.
III,10
De sang & faim plus grand calamité,
Sept fois s’appreste à la marine plage:
Monech de faim, lieu pris, captivité,
Le grand mené croc en ferree caige.

Centuria II, 91-100

2008-05-17T13:25:00.001-07:00

II,91
Soleil levant un grand feu l’on verra,
Bruit & clarté vers Aquilon tendants:
Dedans le rond mort & cris l’on orra,
Par glaive, feu, faim, mort las attendants.
II,92
Feu couleur d’or du ciel en terre veu,
Frappé du haut nay, faict cas merveilleux:
Grand meutre humain; prinse du grand nepveu.
Morts d’expectacles eschappe l’orgueilleux.
II,93
Bien pres du Timbre presse la Lybitine:
Un peu devant grand inondation:
Le chef du nef prins, mis à la sentine,
Chasteau, palais en conflagration.
II,94
GRAND Pau grand mal pour Gaulois recevra,
Vaine terreur du maritin Lyon:
Sans eschapper un quart d’un million.
II,95
Les lieux peuplez seront inhabitables:
Pour champs avoir grand division:
Regnes livrez à prudents incapables,
Lors les grands freres mort & dissention.
II,96
Flambeau ardent au ciel soir sera veu,
Pres de la fin & principe du Rosne:
Famine, glaive: tard le secours pourveu,
La Perse tourne envahir Macedoine.
II,97
Romain Pontife garde de t’approcher,
De la cité que deux fleuves arrouse,
Ton sang viendras aupres de là cracher,
Toi & les tiens quand fleurira là rose.
II,98
Celui de sang reperse le visage,
De la victime proche sacrifiée,
Tonant en Leo augure par presage,
Mis estra à mort lors pour la fiancée.
II,99
Terroir Romain qu’interpretoit augure,
Par gent Gauloise par trop sera vexée:
Mais nation Celtique craindra l’heure,
Boreas, classe trop loing l’avoir poussée.
II,100
Dedans les isles si horrible tumulte,
Bien on n’orra qu’une bellique brigue
Tant grand sera des predateurs l’insulte
Qu’on se viendra ranger à la grand ligue.

Centuria II, 81-90

2008-05-17T13:24:00.003-07:00

II,81
Par feu du ciel la cité presque aduste,
L’urne menace encor Ceucalion,
Vexée Sardaigne par la Punique fuste,
Apres que Libra lairra son Phaëton.
II,82
Par faim la proye fera loup prisonnier,
L’assaillant lors en extreme detresse,
Le nay ayant au devant le dernier,
Le grand n’eschappe au milieu de la presse.
II,83
Le gros traffic d’un grand Lyon changé
La plus part tourne en pristine ruine.
Proie aux soldats par pille vendengé
Par Jura mont & Sueve bruine.
II,84
Entre Campaigne, Sienne, Flora, Tustie,
Six mois neuf jours ne ploura une goutte:
L’estrange langue en terre Dalmatie,
Courira sus: vastant la terre toute.
II,85
Le vieux plain barbe soubs le statut severe,
A Lyon faict dessus l’Aigle Celtique:
Le petit grand trop autre persevere,
Bruit dárme au ciel: mer rouge Ligustique.
II,86
Naufrage à classe pres d’onde Hadriatique,
La terre tremble esmeüe sus l’air en terre mis:
Egypte tremble augment Mahometique,
L’Herault soi rendre à crier est commis.
II,87
Apres viendra des extremes contrées
Prince Germain, dessus le throsne doré:
La servitude & eaux rencontrées,
La dame serve, son temps plus n’adore.
II,88
Le circuit du grand faict ruineux,
Le nom septiesme du cinquiesme sera:
D’un tiers plus grand l’estrange belliqueux,
Mouton, Lutece, Aix ne garantira.
II,89
Un jour seront demis les deux grands maistres,
Leur grand pouvoir se verra augmenté:
La terre neufue sera en ses hauts estres,
Au sanguinaire le nombre racompté.
II,90
Par vie & mort changé regne d’Ongrie,
La loi sera plus aspre que service:
Leur grand cité d’hurlements plaincts & crie,
Castor & Pollux ennemis dans la lice.

Centuria II, 71-80

2008-05-17T13:24:00.001-07:00

II,71
Les exilés en Sicile viendront,
Pour delivrer de faim la gent estrange:
Au point du jour les Celtes lui faudront
La vie demeure à raison: Roi se range.
II,72
Armée Celtique en Italie vexé,
De toutes pars conflict & grande peste:
Romains fuis, ô Gaule repoulsé,
Pres du Thesin, Rubicon pugne incerte.
II,73
Au lac Fucin de Benac le rivaige,
Prins du Leman au port de l’Orguion:
Nay de trois bras predict bellique image
Par trois couronnes au grand Endymion.
II,74
De Sens, D’Autun viendront jusques au Rosne,
Pour passer outre vers les monts Pyrenées:
La gent sortir de la Marque d’Anconne,
Par terre & mar suivra à grans trainées.
II,75
La voix ouie de l’insolite oiseau,
Sur le carron de respiral estage:
Si hault viendra du froment le boisseau,
Que l’homme de l’homme fera Antropophage.
II,76
Foudre en Bourgogne fera cas portenteux,
Que par engin oncques ne pourreit faire,
De leur Senat sacriste fait boiteux
Fera sçavoir aux ennemis l’affaire.
II,77
Par arcs feux poix & par feux repoussés,
Cris hurlements sur la minuit ouis:
Dedans sont mis par les remparts cassez
Par cunicules les traditeurs fuis.
II,78
Le grand Neptune du profond de la mer,
de gent Punique & sang Gaulois meslé:
Les isles à sang pour le tardif ramer,
Plus lui nuira que l’occult mal celé.
II,79
La barbe crespe & noir par engin
Subjugera la gente cruelle & fiere:
Le grand CHIREN ostera du longin,
Tous le captifs par Seline baniere.
II,80
Apres conflict du lesé l’eloquence,
Par peu de temps se trame faint repas :
Point l’on n’admet les grands à delivrance,
Des ennemis sont remis à propos.

Centuria II, 61-70

2008-05-17T13:23:00.001-07:00

II,61
Euge, Tamins, Gironde & la Rochele,
O sang Troyen Mort au port de la flesche:
Derrier le fleuve au fort mise l’eschele,
Pointe feu grand meutre sus la bresche.
II,62 pg. 122
Mabus puis tost alors mourra,viendra,
De gens & bestes une horrible defaite:
Puis tout à coup la vengeance on verra,
Cent, main, soif, faim, quand courra la comete.
II,63
Gaulois, Ausone bien peu subiugera,
Par, Marne & Seine fera Perme l’ivrie:
Qui le grand mur contre eux dressera,
Du moindre au mar le grand perdra la vie.
II,64
Seicher de faim, de soif, gent Genevoise,
Espoir prochain viendra au defaillir:
Sur point tremblant sera loi Gebennoise.
Classe au grand port ne se peut acuillir.
II,65
Le parc enclin grande calamité.
Par l’Hesperie & Insubre fera:
Le feu en nef peste et captivité,
Mercure en l’Arc Saturne fenera.
II,66
Par grans dangiers le captif eschapé,
Peu de temps grand a fortune changée:
Dans le palais le peuple est attrapé,
Par bon augure la cité assiegée.
II,67
Le blond au nez forchu viendra commettre,
Par le duelle & chassera dehors:
Les exiléz dedans fera remettre,
Aux lieux marins commettant les plus fors.
II,68
De l’aquillon les effor seront grands.
Sus l’Ocean sera la porte ouverte:
Le regne en l’isle sera reintegrand,
Tremblera Londres par voille descouverte.
II,69
Le Roy Gaulois par la Celtique dextre,
Voyant discorde de la grande Monarchie
Sur les trois pars fera florir son sceptre
Contre la Cappe de la grand Hierarchie.
II,70
Le dard du ciel fera son estendue,
Mors en parlant: grande execution:
La pierre en l’arbre la fiere gent rendue,
Bruit humain monstre purge expiation.

Centuria II, 51-60

2008-05-17T13:22:00.002-07:00

II,51
Le sang de juste à Londres sera faulte,
Bruslés par fouldres de vingt trois les six:
La dame antique cherra de place haute,
Des mesme secte plusieurs seront occis.
II,52
Dans plusieurs nuits la terre tremblera:
Sur le printemps deux effors suite:
Corinthe, Ephese aux deux mers nagera,
Guerre s’esmeut par deux vaillans de luit.
II,53
La grande peste de cité maritime,
Ne cessera que mort ne soit vengée
Du juste sang par pris damné sans crime,
De la grand dame par feincte n’outraigée.
II,54
Par gent estrange, & Romains lointaine,
Leur grand cité apres eaue fort troublée:
Fille sans trop different domaine,
Prins chef, ferreure n’avoir este riblée.
II,55
Dans le conflict le grand qui peu valloit,
A son derrnier fera cas merveilleux:
Pendant qu’Hadrie verra ce qu’il falloit,
Dans le banquet pongnale l’orgueilleux.
II,56
Que peste & gLoire n’a sceu definer,
Mort dans le puis sommet du ciel frappé:
L’abbé mourra quand verra ruiner,
Ceux du naufrage l’escueil voulant grapper.
II,57
Avant conflict le grand tombera,
Le grand à mort, mort, trop subite & plainte,
Nay imparfaict: la plus part nagera,
Aupres du fleuve de sang la terre tainte.
II,58
Sans pied ne main dend aigue & forte,
Par globe au fort de port & lainé nay:
Pres du portail desloyal transporte,
Silene luit, petit grand emmené.
II,59
Classe Gauloise par appuy de grande garde,
Du grand Neptune, & ses tridens souldars:
Rongée Provence pour soustenir grande bande,
Plus Mars Narbon, par javelots & dards.
II,60
La foy Punicque en Orient rompue
Grand Jud. & Rosne,Loire & Tag changeront.
Quand du mulet la faim sera repue,
Classe espargie, sang & corps nageront.

Centuria II, 41-50

2008-05-17T13:22:00.001-07:00

II,41
La grand estoille par sept jours brulera,
Nuée fera deux soleils apparoir:
Le gros mastin toute nuiet burlera,
Quand grand pontife changera de terroir.
II,42
Coq, chiens & chats de sang seront repeus
Et de la playe du tyran trouvé mort.
Au lict d’un autre jambes & bras rompus,
Qui n’avait peur de mourir de cruelle mort.
II,43
Durant l’estoille chevelue apparente,
Les trois grans princes seront faits enemis:
Frappés du ciel paix terre tremulante,
Pau, Timbre undans, serpent sus le bort mis.
II,44
L’aigle pousée entour de pavillions,
Par autres oiseaux d’entour sera chasée:
Quand bruit des cymbres, tubes & sonaillons,
Rendront les sens de la dame insensée.
II,45
Trop le ciel pleure l’Androgyn procrée,
Pres de ciel sang humain respondu:
Par mort trop tard grand peuple recrée,
Tard & tost vient le secours attendu.
II,46
Apres grand troche humaine plus grand s’appreste,
Le grand moteur des Siecles renouvelle:
Pluie, sang, laict, famine, fer & peste,
Au ciel veu feu, courant long estincelle.
II,47
L’ennemi grand vieil dueil meurt de poison,
Les souverains par infiniz subjugez
Pierres plouvoir, cachez soubz la foison,
Par mort articles en vain sont alleguez.
II,48
La grand copie qui passera les monts,
Saturne en l’Arq tournant du poisson Mars:
Venins cachés soubz testes de saulmons,
Leur chef pendu à fil de polemars.
II,49
Les conseilleurs du premier monopole,
Les conquerants seduits par la Melite:
Rodes, Bisance pour leurs exposant pole,
Terre faudra les poursuivans de suite.
II,50
Quand ceux d’Hainault, de Gand & de Bruxelles,
Verront à Langres la siege devant mis:
Derrier leurs flancs seront guerres cruelles
La plaie antique sera pis qu’ennemis.

Centuria II, 31-40

2008-05-17T13:21:00.001-07:00

II,31
En Campanie le Cassilin sera tant,
Qu’on ne verra que d’aux les champs coumers:
Devant apres le pluie de long temps,
Hors mis les arbres rien l’on verra de vert.
II,32
Laict, sant grenouilles escoudre en Dalmatie,
Conflict donné, peste pres de Balennes,
Cri sera grand par toute Esclavonie,
Lors naistra monstre pres & dedans Ravenne.
II,33
Par le torrent qui descent de Veronne,
Par lors qu’au Pau guidera son entrée:
Un grand naufrage, & non moins en Garonne
Quand ceux de Gennes marcheront leur contree.
II,34
L’ire insensee du combat furieux
Fera à table par freres le fer luire:
Les despartir, blessée, curieux,
Le fier duelle viendra en France nuire.
II,35
Dans deux logis de nuict le feu prendra,
Plusieurs dedans estouffes & rostis:
Pres de deux fleuves pour seul il aviendra:
Sol, l’Arq & Caper tous seront amortis.
II,36
Du grand Prophete les lettres seront prinses,
Entre les mains du tyran deviendront:
Frauder son Roy seront ses entreprinses,
Mais ses rapines bien tost le troubleront.
II,37
De ce grand nombre que l’on envoyera,
Pour secourir dans le fort assiegez,
Peste & famine tous les devorera,
Hors mis septante qui seront profligez.
II,38
Des condamnez sera fait un grand nombre,
Quand les monarques seront conciliez:
Mais l’un deux viendra si malencombre
Que gere ensemble ne seront reliez.
II,39
Un an devant le conflict Italique,
Germains, Gaulois, Hespaignols pour le fort:
Cherra l’escolle maison de republique,
Ou, hors mis peu, seront suffoque mors.
II,40
Un peu apres non point longue intervalle
Par mer & terre sera faict grand tumulte:
Beaucoup plus grande sera pugne navalle,
Feux, animaux, qui feront plus d’insulte.

Centuria II, 21-30

2008-05-17T13:20:00.001-07:00

II,21
L’ambassadeur envoyé par birremes,
A mi-chemin d’incogneus repoulsez:
De sel renfort viendront quatre triremes,
Cordes & chaines en Negre pont troussez.
II,22
Le camp Ascop d’Europe partira,
S’adjoignant proche de l‘isle submergée:
D’Arton classe phalange pliera,
Nombril de monde plus grand voix subrogée.
II,23
Palais, oiseaux, par oiseau deschassé,
Bien tost apres le prince parvenu:
Combien que hors fleuve ennemi repoulsé,
Dehors sousi trait d’oiseau soustenu.
II,24
Bestes farouches de faim fleuves tranner,
Plus part du champ encontre Hister sera.
En caige de fer le grand fera treisner,
Quand rien enfant de Germain observera.
II,25
La garde estrange trahira forteresse
Espoir & umbre de plus hault mariage:
Garde deçeue, fort prince dans la presse,
Loire, Son, Rosne. Gar à mort oultrage.
II,26
Pour la faveur que la cité fera,
Au grand qui tost prendra camp de bataille,
Puis le rang Pau Thesin versera
De sang, feux mors noyés de coup de taille.
II,27
Le devin verbe sera du ciel frappé,
Qui ne pourra proceder plus avant:
Du reserant, le secret estoupé
Qu’on marchera par dessus & devant.
II,28
Le penultiesme du surnom du prophete,
Prendra Diane pour son jour & repos:
Loing vaguera par frenetique teste,
Et delivrant un grand peuple d’impos.
II,29
L’Oriental sortira de son siege,
Passer les monts Apennins voir la Gaule:
Transpercera le ciel les eaux & neige,
Et un chascun frappera de sa gaule.
II,30
Un qui des dieux d’Annibal infernaux,
Fera renaistre, effrayeur des humains:
Oncq’plus d’horreur ne plus dire journaulx,
Qu’avint viendra par Babel aux Romains.

Centuria II, 11-20

2008-05-17T13:19:00.001-07:00

II, 11
Le prochain fils de l’aisnier parviendra,
Tant esleue jusque au regne des fors:
Son apre gLoire un chacun la craindra,
Mais ses enfans du regne gettez dehors.
II,12
Yeux clos, ouverts d’antique fantasie,
L’habit des seuls seront mis à neant:
Le grand monarque chastiera leur frenaisie,
Ravir des temples le tresor par devant.
II,13
Le corps sans ame plus n’estre en sacrifice.
Jour de la mort mis en nativité:
L’esprit divin fera l’ame felice,
Voyant le verbe en son eternité.
II,14
A Tours, Gien, gardé seront yeux penetrans,
Descouviront de loing la grand seraine:
Elle & sa suitte au port seront entrans.
Combat, pussez, puissance souveraine.
II,15
Un peu devant monarque trucidé
Castor,Pollux en nef, estre crinite
L’erain public par terre & mer vuidé,
Pise,Ast,Ferrare,Turin, terre interdicte.
II,16
Naples,Palerme, Sicille, Syracuses,
Nouveau tyrans, fulgures feux celestes:
Force de Londres, Gand, Bruxelles, & Suses,
Grand hecatombe, triomphe faire festes.
II,17
Le camp du temple de la vierge vestale,
Non esloingé d’Ethne & monte Pyrenées:
Le grand conduict est caché dans la male
North getez fleuves & vignes mastinées.
II,18
Nouvelle & pluie subite impeteuse,
Empechera subit deux exercites:
Pierre ciel , feux faire la mere pierreuse,
La mort de sept terre & marin subites.
II,19
Nouveau venus lieu basti sans defence.
Occuper la place par lors inhabitable.
Pres, maisons, champs, villes prendre à plaisance,
Faim,Peste, guerre arpen long labourable.
II,20
Freres & Soeurs en divers lieux captifs,
Se trouveront passer pres du monarque;
Les contempler ses rameaux ententifs,
Desplaisant voir menton, front, nez, les marques.

Centuria II, 1-10

2008-05-17T13:18:00.001-07:00

II, 1
Vers Acquitaine par insuls Britanniques
De pars eux mesmes grands incursions
Pluies gelées feront terroirs uniques,
Port Selin fortes fera invasions.
II,2
La teste bleu fera la tete blanche
Autant de mal que France a faict leur bien,
Mort à l’anthene grand pendu sus la branche,
Quand prins des siens le Roy dira combien.
II,3
Pour la chaleur solaire sus la mer
De Negrepont les poissons demi cuits:
Les habitants les viendront entamer,
Quand Rhod, & Gannes leur faudra le biscuit.
II,4
Depuis Monach jusque aupres de Sicile
Toute la plage demourra desolée:
Il n’y aura fauxbourg, cité ne ville,
Que par Barbares pillé soit & vollée.
II,5
Qu’en dans poisson, fer & lettres enfermée,
Hors sortira qui puis fera la guerre:
Aura par mer sa classe bien ramée,
Apparoisant pres de Latine terre.
II,6
Aupres des portes & dedans deux cités
Seront deux fléaux & oncques n’apperceu un tel:
Faim, dedans peste, de fer hors gens boutés,
Crier secours au grand Dieu immortel.
II,7
Entre plusiers aux isles deportées,
L’un estre nay à deux dents en la gorge:
Mourrant de faim les arbres esbrotés,
Pour eux neuf Roy, nouvel edict leur forge.
II,8
Temples sacrez prime facon Romaine
Rejecteront les goffres fondements
Prenant leurs loix premieres & humaines,
Chassant, non tout des saincts les cultements.
II,9
Neuf ans le regne le maigre en paix tiendra,
Puis il cherra en soif si sanguinaire:
Pour lui grand peuple sans foi & loi mourra,
Tué par un beaucoup plus debonnaire.
II,10
Avant long temps le tout sera rangé,
Nous esperons un siecle bien semestre
L’estat des masques & des seuls bien changé,
Peu trouverant qu’à son rang vueille estre.

Centuria I, 96-100

2008-05-17T13:17:00.001-07:00

I,96
Celui qu’aura la charge de destruire
Temples, & sectes, changez par fantasie:
Plus aux rochiers qu’aux vivans viendra nuire,
Par langue ornee d’oreilles ressasie.
I,97
Ce que fer, flamme n’a sceu paracheuer,
La douce langue au conseil viendra faire:
Par repos, songe, le Roy fera resver,
Plus l’ennemy en feu, sang militaire.
I,98
Le chef qu’aura conduit peuple infiny
Loing de son ciel, de meurs & langue estrange:
Cinq mil en Crete & Thessalie fini
Le chef fuyant, sauvé en marine grange.
I,99
Le grand monarque que fera compagnie,
Avec deux rois par amité:
O quel soupir fera la grand mesgnie,
Enfans Narbon à l’entour quel pitié.
I,100
Longtemps au ciel sera veu gris oiseau,
Aupres de Dole & de Touscane terre:
Tenant au bec un verdoyant rameau,
Mourra tost grand & finera la guerre,

Centuria I, 91-95

2008-05-17T13:16:00.002-07:00

I,91
Les dieux feront aux humains apparence,
Ce qu’il seront auteurs de grand conflict:
Avant ciel veu serein espee & lance
Que vers main guache sera plus grand affiict.
I,92
Sous un la paix par tout sera clamee
mais non long temps pillé & rebellion:
Par refus ville, terre, & mer entamee,
Mors & captifs le tiers d’un million.
I,93
Terre Italique pres des monts tremblera,
Lyon & coq non trop confederez:
En lieu de peur l’un l’autre s’aidera.
Seul Catulon & Celtes moderez.
I,94
Au port Selin le tyran mis à mort,
La Liberté non pourtant recouvree:
Le nouveau Marc par vindicte & remort
Dame par force de frayeur honnoree.
I,95
Devant moustier trouvé enfant besson,
De heroic sang de moine & vestutisque:
Son bruit par secte langue & puissance son,
Qu’on dira fort esleue ie vopisque.

Centuria I, 86-90

2008-05-17T13:16:00.001-07:00

I,86
La grande roine quand se verra vaincue,
Fera excés de masculin courage:
Sus cheval, fleuve passera toute nue,
Suite par fer: à foi fera outrage.
I,87
Ennosigee feu du centre de terre.
Fera trembler au tour de cité neufue:
Deux grands rochiers long temps feront la guerre,
Puis Arethuse rougira nouveau fleuve.
I,88
Le divin mal surprendra le grand prince,
Un peu devant aura femme espousee.
Son appuy & credit à un coup viendra mince,
Conseil mourra pour la teste rasee.
I,89
Tous ceux de Ilerde seront dans la Moselle,
Mettant à mort tous ceux de Loire & Seine:
Le cours marin viendra pres d’haute velle,
Quand Espagnols ouvrira toute veine.
I,90
Bourdeaux, Poitiers au son de la campane,
A grand classe ira jusques à l’Angnon:
Contre Gaulois sera leur tramontane,
Quand monstre hideux naistra pres de Orgon.

Centuria I, 81-85

2008-05-17T13:15:00.003-07:00

I,81
D’humain troupeau neuf seront mis à part,
De jugement & conseil separez:
Leur sort sera divisé en depart,
Kappa, Thita, Lamda, mors bannis esgarez.
I,82
Quand les colomnes de bois grande tremblee,
D’Auster conduicte couverte de rubriche:
Tant videra dehors grand assemblee:
Trembler Vienne & le Pays d’Austriche.
I,83
La gent estrange divisera butins,
Saturne en Mars son regard furieux:
Horrible estrange aux Tosquans & Latins,
Grecs qui seront à frapper curieux.
I,84
Lune obscurcie aux profondes tenebres
Son frere passe de couleur ferrugine:
Le grand caché long temps soubs les tenebres,
Tiedera fer dans la plaie sanguine.
I,85
Par la response de dame Roi troublé,
Ambassadeurs mespriseront leur vie:
Le grand ses freres contrefera doublé,
Par deux mourront ire, haine, ennui.

Centuria I, 76-80

2008-05-17T13:15:00.001-07:00

I,76
D’un nom farouche tel proferé sera,
Que les trois soeurs auront fato le nom:
Puis grand peuple par langue & faict dira
Plus que nul autre bruit & renom.
I,77
Entre deux mers dressera promontaire,
Que plus mourra par le mords du cheval:
Le sien Neptune pliera voille noire,
Par Calpre & classe aupres de Rocheval.
I,78
D’un chef naistra sens hebeté
Degenerant par savoir & par armes:
Le chef de France par sa soeur redouté,
Champs divisez, concedez aux gendarmes.
I,79
Bazaz, Lestore, Condon, Ausch, Agine,
Esmens par loix querelle & monopole:
Car Bourd, Toulouze Bay mettra en ruine.
Renouveller voulant leur tauropole.
I,80
De la sixieme claire splendeur celeste,
Viendra tonner si fort en la Bourgongne:
Puis naistra monstre de treshideuse beste,
Mars, Avril, Mai, Juin grand charpin & rongne.

Centuria I, 71-75

2008-05-17T13:14:00.000-07:00

I,71
La tour marine trois fois prise & reprise,
Par Hespagnolis, Barbares, Ligurins:
Marseilles & Aix, Arles par ceux de Pise,
Vast, feu, fer, pillé Avignon des Thurins.
I,72
De tout Marseille des habitants changee,
Course & poursuitte jusqu’au pres de Lyon,
Narbon Tholoze par Bordeaux outragee,
Tuez captifs presque d’un million.
I,73
France à cinq pars par neglect assaillie,
Tunis, Argel, esmuez par Persiens:
Leon, Seville, Barcelone faillie
N’aura la classe par les Venetians.
I,74
Apres sejourné vogueront en Epire
Le grand secours viendra vers Antioche:
Le noir poil crespe tendra fort à L’Empire
Barbe d’aerain se roustira en broche.
I,75
Le tyran Sienne occupera Savone,
Le fort gaigné tiendra classe marine:
Les deux armees par la marque d’Ancomme,
Par effrayeur le chef s’en examine.

Centuria I, 66-70

2008-05-17T13:13:00.002-07:00

I,66
Celui qui lors portera les nouvelles,
Apres un peu il viendra respirer
Viviers, Tournon, Montferrand & Pradelles,
Gresle & tempestes les fera soupirer.
I,67
La grande famine que je sens approcher,
Souvent tourner, puis estre universelle:
Si grand & long qu’un viendra arracher,
Du bois racine & l’enfant de mamelle.
I,68
O quel horrible & malheureux tourment,
Trois innocens qu’on viendra à livrer:
Poison suspecte, mal garde tradiment,
Mis en horreur par bourreaux envirez.
I,69
La grand montaigne ronde de sept stades,
Apres paix, guerre, faim, innondation:
Roulera loin abismant grands contrades,
Mesmes antiques, & grand fondation.
I,70 [ Revolução Iraniana]
Plui, faim, guerre en Perse non cessée,
La foi trop grand trahira le monarque:
Par la finte en Gaule commencee,
Secret augure pour à un estre parque.

Centuria I, 61-65

2008-05-17T13:13:00.001-07:00

I,61
La republique miserable infelice
Sera vastee de nouveau magistrat:
Leur grand amus de l’exile malefice,
Fera Sueve ravir leur grand contracts.
I,62
Le grande parte las que feront les lettres,
Avant le cycle de Latona parfaict:
Feu grand deluge plus par ignares sceptres,
Que de long siecle ne se verra refaict.
I,63
Les fleurs passés diminue le monde,
Long temps la paix terres inhabitées:
Seur marchera par ciel, serre, mer & onde:
Puis de nouveau les guerres suscitées.
I,64
De nuict soleil penseront avoir veu,
Quand le pourceau demi-homme on verra:
Bruict, chant, bataille, au ciel battre aperceu:
Et bestes brutes à parler lon orra.
I,65
Enfant sans mains jamais veu si grand faudre,
L’enfant royal au feu dóesteuf blessé:
Au pui brises fulgures allant mouldre,
Trois souz les chaines par le milieu troussés.

Centuria I, 56-60

2008-05-17T13:12:00.001-07:00

I,56
Vous verrez tost & tard taire grand change,
Horreurs extremes, & vindications:
Que si la lune conduicte par son ange,
Le ciel s’approche des inclinations.
I,57
Par grand discord la trombe tremblera
Accord romptu dressant la teste au ciel:
Bouche sanglante dans le sang nagera,
Au sol la face ointe de laict & miel.
I,58
Tranché le ventre, naistra avec deux testes,
Et quatre bras: quelques ans entiers vivra:
Jour qui Alquiloie celebrera ses festes,
Fossen, Turin, chef Ferrare suivra.
I,59
Les exilez deportez dans les isles,
Au changement d’un plus cruel monarque
Seront meurtris: & mis deux les scintiles,
Qui de parler ne seront estez parques.
I,60
Un Empereur naistra pres d’Italie
Qui à l’Empire sera vendu bien cher:
Diront avec quels gens il se ralie,
Qu’on trouvera moins prince que boucher.

Centuria I, 51-55

2008-05-17T13:11:00.000-07:00

I,51
Chef d’Aries, Jupiter & Saturne,
Dieu eternel quelles mutations!
Puis par long siecle son maling temps retourne
Gaule, & Italie quelles emotions?
I,52
Les deux malins de Scorpion conjoinct,
Le grand seigneur meutri dedans sa salle :
Peste à l’Eglise par le nouveau roy joinct
L’Europe basse & Septentrionale.
I,53
Las qu’on verra grand peuple tourmenté,
Et la loi saincte em totale ruine:
Par autres loix toute la Christienté,
Quand d’or, d’argent trouve nouvelle mine.
I,54
Deux revolts faicte du maling falcigere,
De regne & siecles faict permutation:
Le mobil signe à son endroit si ingere,
Aux deux egaux & d’inclination.
I,55
Soubs l’opposite climat Babylonique,
Grand sera de sang effusion:
Que terre & mer, air, ciel sera inique,
Sectes, faim, regnes, pestes, confusion.

Centuria I, 46-50

2008-05-17T13:10:00.002-07:00

I,46
Tout aupres d’Aux, de Lestoure & Mirande,
Grand feu du ciel en trois nuicts tumbera:
Cause adviendra bien stupende & mirande,
Bien peu aupres la terre tremblera.
I,47
Du lac Leman les sermons fascheront,
Les jours seront reduicts par les sepmaines:
Puis mois, puis an, puis tous deffailliront,
Les magistrats damneront leurs loix vaines.
I, 48
Vingt ans du regne de la lune passez,
Sept mil and autre tiendra sa monarchie:
Quand le soleil prendra ses jours lassez,
Lors accomplit & mine ma prophetie.
I,49
Beaucoup avant telles menees,
Ceux d’orient par la vertu lunaire:
L’an mil sept cens feront grands emmenees,
Subjugant presque le coing Aquilonaire.
I,50
De l’aquatique triplicité naistra.
D’un qui fera la jeudi pour sa feste:
Son bruit, loz, regne, sa puissance coistra,
Par terre & mer aux Oriens tempeste.

Centuria I, 41-45

2008-05-17T13:10:00.001-07:00

I,41
Siege en cité est de nuict assaillie,
Peu eschapé, non loin de mer conflict,
Femme de ioye, retours fils defaillie,
Poisson & lettres cachees dans le plic.
I,42
Le dix Calende d’Avril de faict Gotique,
Ressuscité encor par gens malins,
Le feu estainct, assemblee diabolique,
Cherchant les os du d’Amant & Pselin.
I,43
Avant qu’advienne le changement d’Empire
Il adviendra un cas bien merveilleux,
Le champ mué le pillier de Porphire
Mis, transmué sur le rocher noilleux.
I,44
En bref seront de retour sacrifices,
Contrevenans seront mis à martyre,
Plus ne seront moines, abbez, ne novices,
Le miel sera beaucoup plus cher que cire.
I,45
Secteur de sectes grande peine au delateur
Beste en teatre, dresse le ieu scenique,
Du faict antiqu annobly l’inventeur,
Par sectes monde confus & schismatique.

Centuria I, 36-40

2008-05-17T13:09:00.002-07:00

I,36
Tard le monarque se viendra repentir,
De n’avoir mis à mort son adversaire,
Mais viendra bien à plus hault consentir,
Que tout son sang par mort sera deffaire.
I,37
Un peu devant que se soleil s’absconse,
Conflict donné, grand peuple dubiteux,
Profligez, port marin ne fait response,
Pont & sepulchre en deux estranges lieux.
I,38
Le Sol & l’Aigle au victeur paroistront.
Response vaine vaincu l’on asseure,
Par cor ny cris harnois n’arresteront,
Vindicte paix par mort si acheve à l’heure.
I,39
De nuict dans lict le supreme estrangle,
Pour trop avoir seiourné blond esleu,
Par trois l’empire subroge exancle,
A mort mettra carte, et paquet ne leu
I,40
La trombe fausse dissimulant folie,
Fera Bisance un changement de loix.
Histra d’Egypte, qui veut que l’on deslie,
Edict changeant monnoye & aloys.

Centuria I, 31-35

2008-05-17T13:09:00.001-07:00

I,31
Tant d’ans en Gaulle les guerres dureront
Outre la courte du Castulon monarque:
Victoire incerte trois grands couronneront,
Aigle, Coq, Lune, Lyon, Soleil en marque.
I,32
Le grand Empire sera tost translaté
En lieu petit, qui bien tost viendra croistre
Lieu bien infime d’exígue comteé
Où au millieu viendra poser son sceptre.
I,33
Pres d’un grand pont de plaine spatieuse,
Le grand Lyon par forces Cesarees,
Fera abattre hors cité rigoureuse,
Par effroy portes luys seront referrees.
I,34
L’oyseau de proye volant à la fenestre,
Avant conflict faict aux François pareure,
L’un bon prendra, l’un ambigu sinistre;
La partié foible tiendra par bon augure
I,35
Le lyon ieune le vieux surmontera,
En champ bellique par singulier duelle,
Dans cage d’or les yeux lui crevera,
Deux classes une puis mourir mort cruelle.

Centuria I, 26-30

2008-05-17T13:05:00.000-07:00

I,26
Le grand du fouldre tumbe d’heure diurne,
Mal & predict par porteur postulaire:
Suivant presage tumbe d’heure nocturne,
Conflict Reims, Londres, Etrusque pestifere.
I,27
Dessouz de chaine Guien du ciel frappé,
Non loing de là est caché le tresor:
Qui par longs siecles avoit esté grappé,
Trouve mourra, l’oeil crevé de ressort:
I,28
La tour de Boucq craindra fuste barbare
Un temps, long temps apres barque hesperique.
Bestail, gens, meubles tous deux feront grand tare
Taurus & Libra quelle mortelle picque?
I,29
Quand le poisson terrestre & aquatique
Par force vague au gravier sera mis,
Sa forme estrange suave & horrifique,
Par mer aux murs bien tost les ennemis.
I,30
La nef estrange par le tourment marin,
Abordera pres de port incogneu;
Nonobstant signes de rameau palmerin,
Apres mort pille bon advis tarde venu.

Centuria I, 21-25

2008-05-17T13:04:00.000-07:00

I,21
Profonde argille blanche nourrit rochier,
Qui d’un abisme istra lactineuse:
En vain troublez ne l’oseront toucher,
Ignorans estre au fond terre argilleuse.
I,22
Ce que vivra & n’ayant ancien sens,
Viendra leser à mort son artifice:
Austun, Chalan, Langres & les deux Sens,
La gresle & glace fera grand malefice.
I,23
Au mois troisiesme se levant le soleil
Sanglier, Liepard au champ Mars pour combattre:
Liepard laissé, au ciel extend son oeil,
Un aigle autour du Soleil voit s’esbattre.
I,24
A cité neufue pensif pour condemner,
L’oisel de proye au ciel se vient offrir:
Apres victoire à captifs pardonner,
Cremone & Mantoue grands maux aura souffert.
I,25
Perdu trouvé, caché de si long siecle,
Sera Pasteur demi Dieu honoré:
Ains que la lune acheve son grand siecle,
Par autres vents sera deshonoré.

Centuria I, 16-20

2008-05-17T13:03:00.000-07:00

I,16
Faulx à l’estang joint vers le Sagitaire,
En son hault AUGE de l’exaltation,
Peste, famine, mort de main militaire,
La siecle approche de renouvation.
I,17
Par quarante ans l’Iris n’apparoistra,
Par quarante ans tous les jours sera veu:
La terre aride en siccité croistra,
Et grans deluges quand sera aperceu.
I,18
Par la discorde negligence Gauloise,
Sera passaige à Mahommet ouvert:
De sang trempé la terre & mer Senoise,
Le port phocen de voiles & nefs convert.
I,19
Lors que serpens viendront circuir l’are,
Le sang Troyen vexé par les Espaignes:
Par eux grand nombre en sera faicte tare.
Chef fruict, caché aux mares dans les saignes.
I,20
Tours, Orleans, Blois, Angiers, Reims, & Nantes,
Cités vexées par subit changement:
Par langues estranges seront tendues tentes,
Fleuves, dards Rones, terre & mer tremblement.

Centuria I, 11-15

2008-05-17T12:58:00.000-07:00

I,11
Le mouvement de sens, coeur, pieds et mains,
Seront d’accord Naples, Lyon, Sicille.
Glaves, feux, eaux puis aux nobles Romains,
Plongez tuez mors par cerveau debile.
I,12
Dans peu dira faulce brute fragile,
De bas en haut eslue promptement:
Puis un instant desloyale et labile
Qui de Veronne aura governement.
I,13
Les exilez par ire, haine intestine,
Feront au Roy grand conjuration:
Secret mettront ennemis par la mine,
Et ses vieux siens contre aux sedition.
I,14
De gent esclave chansons, chants & requestes,
Captifs par Princes & Seigneur aux prisons.
A l’avenir par idiots sans testes,
Seront reçus par divines oraisons.
I,15
Mars nous menace par la force bellique,
Septante fois fera le sang espandre:
Auge & ruine de l’Ecclesiastique,
Et plus ceux qui d’eux rien voudront entendre.

Centuria I, 6-10

2008-05-17T12:57:00.000-07:00

I,6
L’oeil de Ravenne sera destitué,
Quand à ses pieds des ailles failliront:
Les deux de Bresse auront constitué,
Turin, Derseil que Gaulois fouleront.
I,7
Tard arrivé l’execution faicte,
Le vent contraire lettres aux chemin prinses:
Les conjurez xiiii d’une secte:
Par le Rousseau semz les entreprinses.
I,8
Combien de foix prinse cité solaire
Seras changeant les loix barbares et vaines:
Ton mal s’approche. Plus sera tributaire,
La grand Hadrie recourira des veines.
I,9
De l’Orient viendra la coeur Punique
Facher Hadrie et les hoirs Romulides
Accompagné de la classe Libyque
Temples Mellites et proches isles vuides.
I,10
Serpens transmis dans la caige de fer,
Ou les enfans septaines du Roy sont prise
Les vieux et peres sortiront bas de l’enfer,
Ains mourir voir de fruict mort et cris.

Centuria I, 1-5

2008-05-17T12:56:00.000-07:00

I,1
Estant assis de nuict secret estude
Seul reposé sur la selle d’aerain
Flambe exigue sortant de solitude
Fait prosperer qui n’est à croire vain.

(Estando) sentado de (noite) em secreto lugar
Só descansado sobre a sela de bronze
Chama exígua saindo da solidão
Faz prosperar quem não está a crer (em?) vão.

I,2
La verge en main mise au milieu des BRANCHES
De l’onde il moulle et le limbe et le pied:
Un peur et voix fremissant par les manches:
Splendeur divine. Le divine pres s’assied.

A vara na mão posta no meio dos RAMOS
Com a onda (ele?) (molha) (e) o (bainha da roupa) e o pé:
Um medo e voz tremem as mangas:
Esplendor divino. O divino senta-se perto.

I,3
Quand le licture du tourbillon versee,
Et seront faces de leurs manteaux convers:
La republique par gens nouveaux vexée,
Lors blancs et rouges jugeront à l’envers.
I,4
Par l’univers sera faict un monarque,
Qu’en paix et vie ne sera longuement,
Lors se perdra la piscature barque,
Sera regie en plus grand detriment.
I,5
Chassés seront pour faire long combat,
Par le pays seront plus fort grevés:
Boug et cité auront plus grand debat,
Carcas Narbonne auront coeur esprouvéz.